Röyaya “Biri Lazım”

Röya hit mahnılarını bir-birinin ardınca dinləyicilərə təqdim etməkdə davam edir. 

    Röya hit mahnılarını bir-birinin ardınca dinləyicilərə təqdim etməkdə davam edir. “Göyərçin” mahnısından sonra Röya Ayxan “Biri lazım”ı pərəstişkarlarına təqdim edir. Mahnının müəllifi Üzeyir Cabbarovdur. Mahnıya rejissor Anar Hüseynov tərəfindən ekran həyatı veriləcəyi də gözlənilir. Röyanın sözlərinə görə, mahnı yay üçün nəzərdə tutulub və o, neçə ildir ki, bu janra müraciət etmir.

    Qalmaqallı repçi Hüseyn Dəryanın üçüncü dəfə ailə qurmaq niyyətində olduğu haqda xəbər yayılıb. Deyilənlərə görə, Hüseyn toyunun milli adət-ənənələrə uyğun olmasını istəyir. O, bundan sonra şəxsi həyatı barədə danışmayacağını bildirib: “Artıq şəxsi həyatım haqqında heç kimə açıqlama vermək istəmirəm. Mənim yenidən ailə qurmaq xəbərimə gəldikdə isə, məlumat doğrudur. Yaxın zamanlarda bəyəndiyim xanımla evlənəcəyəm. Artıq valideynlərim elçi getməyə hazırlaşır. Toyumu milli adət-ənənəyə uyğun olaraq həyata keçirəcəyəm”.

    Əməkdar artist Almaz Ələsgərli tədbirlərin birində bütün gecəni müğənni İlhamə Qasımovayla söhbət edib. Müğənnilər yanbayan oturub, yeniliklərindən danışıblar. Ciddi pəhriz saxlayan dostlar bir-birinə arıqlamaqla bağlı məsləhətlər də veriblər.

    Xalq artisti, opera ifaçısı Fidan Qasımovanın oğlu Fərid ailə qurmağa hazırlaşır.

Fidan Qasımovanın köməkçisi Müşfiqə xanım bu haqda danışaraq bildirib ki, toya hazırlıq gedir.  
Qeyd edək ki, Fidan Qasımovanın oğlunun toy mərasimi iyunun 28-nə təyin olunub.

    Azərbaycanlı müğənni Elçin Hüseynovun yaradıcılığında yenilik var. Müğənninin yeni mahnısı işıq üzü görüb. Sözügedən mahnı “Zalım” adlanır.

Qeyd edək ki, Elçin Hüseynov yaxın vaxtlarda adıçəkilən mahnıya klip çəkdirməyi də düşünür.  

 

Sevda Məmmədova

 

Muz-Tv.az