Eldar Dalqatov heyranlarını saatlarla gözlətdi

İyunun 7-də paytaxtın məşhur gecə klublarından birində dağıstanlı müğənni Eldar Dalqatovun konserti reallaşıb.

   İyunun 7-də paytaxtın məşhur gecə klublarından birində dağıstanlı müğənni Eldar Dalqatovun konserti reallaşıb.Bir çox qonağın qatıldığı tərdirdə ilk olaraq Nurlan Təhməzli çıxış edib. Səhnədə yer almazdan əvvəl müsahibə verən ifaçı həyəcanlı olduğunu söyləyib. Daha sonra çıxışına başlayan ifaçı ən sevilən mahnılarını ifa edib.

   Tədbirin maraqlı məqamlarından biri isə havanın xeyli soyuq olmasına baxmayaraq hər kəsin rəqs etdiyi konsertdə əsas səbəbkar - Eldar Dalqatovun çıxışının saatlarla gecikməsi olub. Müğənninin yoxluğunu doldurmaq üçün isə bir-bir yerli ifaçılarımız səhnəyə dəvət ediliblər.Nəhayət gözlənilən an yetişib və dağıstanlı müğənni səhnəyə təşrif buyurub.

   Konsertə onu deyib gələn sevənlərinin gözünü yolda qoyan Eldar bəy sadəcə 6 mahnı ifa etməklə kifayətlənib.Tədbirdən sonra “Muz life”-a eksklüziv müsahibə verən dağıstanlı müğənni havanın soyuq olmasına baxmayaraq konsertin çox gözəl keçdiyini söyləyib. Gecənin sonunda Eldar Dalqatov heyranları ilə şəkil çəkdirib.

 

Sahilə Aslanova

Vüsal Həşimov

 

Muz-Tv.az