Rəşad İlyasov Türkiyə istirahətindən qayıtdı

Türkiyə istirahətindən yenicə qayıdan Rəşad İlyasov artıq payıza hazırlıq görür.  

     Türkiyə istirahətindən yenicə qayıdan Rəşad İlyasov artıq payıza hazırlıq görür. Repertuar seçimində çətinlik çəkən müğənni keçən ildən düşünüb-daşındığı albomunu tezliklə ərsəyə gətirəcək. Hazırda yeni mahnılar yazdıran ifaçı işlədiyi bəstəkarların adını gizli saxlayıb. Həmişə lirikaya üstünlük verən Rəşad bu dəfə repertuarında dəyişiklik edib ritmik mahnılar oxuyacaq.
     Bundan əlavə, Rəşad İlyasov albomuna daxil etdiyi mahnılardan ikisinə klip də çəkdirəcək. Müğənni yeni işini bir çox həmkarlarından fərqli olaraq əcnəbi rejissora yox, Fuad Əlişova həvalə edəcək.

Aytən Zöhrabqızı
Vüsal Babayev

Muz-Tv.az