Gənc müğənni solo karyeraya başlayan kimi “Sənə qurban” dedi

“Azəristar” mahnı yarışmasından tanınan Pərviz Ağayev solo karyeraya başlayıb. Keçmiş “Xan” qrupunun üzvlərindən biri olan gənc ifaçı sözü və musiqi özünə məxsus...

     “Azəristar” mahnı yarışmasından tanınan Pərviz Ağayev solo karyeraya başlayıb. Keçmiş “Xan” qrupunun üzvlərindən biri olan gənc ifaçı sözü və musiqi özünə məxsus “Sənə qurban” adlı yeni mahnı yazdırıb.
      Sözügedən mahnıya ekran həyatı verəcəyini söyləyən müğənni yerli rejissora müraciət edəcək. Gələcək illərdə əcnəbi klipmeykerlərə üz tutacaq. Bəstəkar Xanım İsmayılqızının yaratdığı “Xan” qrupunun keçmiş üzvlərindən olan Pərviz qrupu tərketmə səbəblərindən də söz açıb.

      Müğənni bütün bunlarla yanaşı məşhur türk sənətkarı ilə duet oxuyacağını söyləyib. Amma o, həmin ifaçının adını sirr saxlamağa üstünlük verib. Gənc müğənni solo karyerasına yanaşı şəxsi həyatında da yenilik edib. Artıq nişanlı olduğunu bildirən Pərviz gələn il özünə təmtəraqlı toy edəcəyini gizlətməyib.  

 

Sərvər Mehdiyev

Vüsal Həşimov

 

Muz-Tv.az