16-cı “Qrand - 2012” mükafatlandırma mərasimi reallaşdı

İyunun 9-da Heydər Əliyev Sarayında prestijli “Qrand - 2013” mükafatlarının təqdimetmə mərasimi reallaşıb. 

   İyunun 9-da Heydər Əliyev Sarayında prestijli “Qrand - 2013” mükafatlarının təqdimetmə mərasimi reallaşıb. Tədbir ulduzların ənənəvi qırmızı xalça keçidi ilə başlayıb.Şou-biznesin ən məşhur simalarının mükafatlandırıldığı gecədə əsl ulduz axını yaşanıb. Bir-birinin ardınca qırmızı xalıdan keçən və heyranlarını salamlaran tanınmışlar tədbir haqqında fikirlərini də jurnalistlərlə bölüşüblər.

    Bu özəl gecənin xüsusi sürprizi Türkiyənin məşhur ulduzlarının da mərasimdə iştirak etməsi olub. Azərbaycan tamaşaçısına “Təhminə” filmindən tanış olan Meral Konrat, bəstəkar Sinan Akçıl və “Öyle bir geçer zaman ki”,“Dila hanım” seriallarının ulduzu Erkan Petekkaya hər kəsi səmimi şəkildə salamlayıblar.Mükafatlandırma mərasimində ilk olaraq söz alan xalq artisi İlhamə Quliyeva gələn qonaqları salamladıqdan sonra gecədə iştirakından duyduğu qüruru dilə gətirib.

    Daha sonra səhnəyə hazırda Türkiyədə fəaliyyət göstərən model Günay Musayeva dəvət edilib. O da öz növbəsində qardaş ölkədən təşrif buyuran qonaqlarımızı tamaşaçılara təqdim edib. Ilk mükafat aktrisa Meral Konrata verilib. Gecədə xalq artistləri Fidan və Xuraman Qasımova bacıları, Aygün Bayramova, müğənni Fərid Məmmədov da mükafatla təltif edilənlər arasında olub.

    Və mərasimin gözlənilən anı gəlib. İlin müğənniləri elan edilib. Röya “İlin qadın müğənnisi” və “İlin mahnısı”, Zamiq isə “İlin kişi müğənnisi” nominasiyasında mükafata layiq görülüb. Qaliblər qonaqlara mahnı töfhələrini də verməyi unutmayıblar.

Xatırladaq ki, “V&V” company tərəfindən təşkil edilən “Qrand” mükafatlandırma mərasimi artıq 16 ildir keçirilir.  

 

Sahilə Aslanova

Elfaq Lələyev

 

Muz-Tv.az