Aygün Kazımova İstanbuldan ev aldı

Müğənni Rəqsanə İsmayılova Türkiyədə növbəti layihəyə start verəcək.  Artıq albomu hazır olan sənətçi hələlik klip çəkilişini təxirə salıb. 

     Müğənni Rəqsanə İsmayılova Türkiyədə növbəti layihəyə start verəcək.  Artıq albomu hazır olan sənətçi hələlik klip çəkilişini təxirə salıb. Yeni disk həm Türkiyə telekanallarında, həm də Bakıda təqdimata çıxarılacaq:“Bu Ramazan ayında baş verəcək. Hazırda  yeni fotosessiyamdan ibarət çarx  hazırlanır. Klip ərsəyə gələn kimi albomla birlikdə anons şəklində ekranlara çıxarılacaq. Bunun ardınca Türkiyənin maqazin verilişlərində süjetlər hazırlanacaq. Eyni zamanda Azərbaycanda da təqdimat keçiriləcək”.

    Xalq artisti Aygün Kazımovanın İstanbuldan ev alması haqda xəbər vermişdik. Sənətçi bu haqda sosial şəbəkə olan “Twitter”də şəxsi səhifəsində məlumat verib. O, İstanbulda Maslakda yerləşən yeni evinin şəklini sosial şəbəkələrdə paylaşaraq bu sözləri qeyd edib: “Hər şeyi sıfırdan başlamaq çox gözəldir”. Sənətçinin makiyajsız halda evini yır-yığış edərkən çəkdirdiyi şəkillərini təqdim edirik. Xatırladaq ki, Aygün Kazımova bir müddət əvvəl vətəni tərk edərək birdəfəlik Türkiyəyə köçmək qərarına gəlib.

   “Şeron” qrupundan yeni xəbər var. Qrupun rəhbəri Ülvi Cəfərovun verdiyi açıqlamaya görə, yeni mahnı üzərində çalışırlar: "Sözləri Azər Şirinə, musiqisi isə Rəşad Bağırova məxsus olan “Aləm bizdən danışır” adlı lirik mahnı qısa zaman ərzində dinləyicilərə təqdim olunacaq. Sözügedən kompaziya çox uğurlu alınıb və qısa zaman ərzində mahnıya klip çəkdirməyi də düşünürük”.Qeyd edək ki, “Şeron” qrupu” “Aləm bizdən danışır” layihəsinə uyğun fotosessiya da etdirəcək.

    Gənc müğənni Aysel Əlizadə fotosessiya etdirib. İfaçının yeni şəkillərinin çəkilişi Türkiyədə reallaşıb. Müğənni diskinin işıq üzü görməsi üçün də qardaş ölkəyə üz tutacaq. Qeyd edək ki, Aysel hazırda bir çox layihələr üzərində çalışır. 

 

Sərvər Mehdiyev

 

Muz-Tv.az