Məşhur rusiyalı repçi Timati Bakıya gələcək

Yaxın günlərdə pop diva Aygün Kazımovanın fanatları virtual aksiya keçirməyə hazırlaşırlar.

    Yaxın günlərdə pop diva Aygün Kazımovanın fanatları virtual aksiya keçirməyə hazırlaşırlar. “Geri qayıt, Diva” adlanan səhifə bir neçə gündən sonra fəaliyyətə başlayacaq. Bu səhifədə fanatlar xalq artistini vətəni tərk etməməyə çağıracaqlar.Qeyd edək ki, fanatlar Aygün Kazımova geri qaytarmanın yollarını da fikirləşiblər.

    Teleaparıcı Nərgiz Cəlilova ötən gün ad gününü qeyd edib. Elə ilk təbriki də o, “Qrand 2012” mükafatının təqdimetmə mərasimindən sonra dostlarından alıb.Gecənin aparıcılığını edən Nərgiz Cəlilovanı Valeri və Vadim qardaşları, Murad Dadaşov təbrik edib, onun şərəfinə tort gətiriblər.Aparıcı həmçinin rəfiqələrilə birgə doğum gününü keçirib. Onlar arasında yazıçı Günel Anarqızı və model Günay Musayeva da yer alıb.Qeyd edək ki, Nərgiz Cəlilovanın 53 yaşı tamam olub.

    Müğənni Səidə Sultan “Məni dəli et” adlı yeni mahnısını təqdim edib. Ritmik mahnının sözləri Leyli İsrafilovaya, musiqisi Səidə və Pərvanəyə aiddir. Müğənni Hakan Erolun aranjiman etdiyi mahnının yayın hiti olacağını iddia edir.

    Məşhur rusiyalı repçi Timati Bakıya gələcək. o, iyunun 20-də istirahət mərkəzlərindən birində konsert verməyi planlaşdırır. Timati möhtəşəm proqramı ilə qonaqlara əyləncəli dəqiqələr yaşadacaq.

 

 

Səma Ələsgərova

 

Muz-Tv.az