Hökümə Qurbanovanın 100 illik yubileyi keçirildi

Azərbaycan Dövlət Akademik Milli Dram Teatrında xalq artisti Hökümə Qurbanovanın 100 illik yubileyinə həsr olunan mərasim reallaşıb. 

Azərbaycan Dövlət Akademik Milli Dram Teatrında xalq artisti Hökümə Qurbanovanın 100 illik yubileyinə həsr olunan mərasim reallaşıb. Bir çox ziyalıların və incəsənət xadimlərinin iştirak etdiyi gecədən əvvəl xalq artisti Rafiq Əzimov sənətkarla bağlı ürək sözlərini bölüşüb.

    Tədbirdə ilk olaraq Hökümə xanıma həsr olunan video çarx tamaşaçılara təqdim edilib.

Daha sonra mədəniyyət və turizm nazirinin müavini Ədalət Vəliyev, teatrşünas Məryəm Əlizadə  söz alaraq Hökümə Qurbanovanın mükəmməl aktyorluq qabiliyyəti haqqında ağızdolusu danışıblar.

    Mərasim əsnasında hökümə xanıma həsr olunan daha bir video çarx izləyicilərin ixtiyarına verilib. Hökümə Qurbanovanın kinoda ilk rolu dramaturq və teatr xadimi Cəfər Cabbarlının əsəri əsasında ekranlaşdırılan "Almaz" filmi olub. Elə mərasimin sonunda da sözügedən əsərdən kiçik bir səhnəcik təqdim edilib.

 

Sahilə Aslanova

Ramal Gülməmmədov

 

Muz-Tv.az