Bəstəkar Nailə Mirməmmədlidən türkiyəli müğənnilərlə bağlı yeni layihə

“Avroviziya” təmsilçimiz Fərid Məmmədovdan yeni xəbər var.Belə ki o, sözləri Zəhra Bədəlbəyliyə, musiqisi özünə aid olan “K tebe” (Sənə doğru) adlanan yeni mahnı hazırlayır. 

    “Avroviziya” təmsilçimiz Fərid Məmmədovdan yeni xəbər var.Belə ki o, sözləri Zəhra Bədəlbəyliyə, musiqisi özünə aid olan “K tebe” (Sənə doğru) adlanan yeni mahnı hazırlayır. Müğənni: ”Bu mahnını tam istədiyim janrda yazmışam. Mətni də ürəyimcədir tezliklə mahnıya klip də çəkdirəcəyəm”-deyə əlavə edib.

    Müğənni Nadir Qafarzadə Şəkidəki sevənlərini ətrafına toplayacaq. İyunun 12-də axşam saatlarında baş tutacaq xalq konserti yerli icra hakimiyyətinin təşkilatçılığı ilə keçiriləcək.Musiqiçilərinin müşayiəti ilə ən son mahnılarını səsləndirəcək ifaçı sevənlərinə maraqlı bir gecə vəd edir.

    Xalq artisti Zülfiyyə Xanbabayevanın “Mənim deyilsən” mahnısına yeni nəfəs verilib.  Belə ki, xalq artisti musiqisi Muxtar Abseynova, sözləri Cəlal Qurbanova məxsus bu mahnını məşhur repçi ABD Maliklə birgə ifa edib. ABD Malikin sözlərinə görə, o mahnını eşidib və sözlər özbaşına onun ağlına gəlib. O:“Mən mahnıya qulaq asdım və tez bir zamanda Zülfiyyə xanıma zəng edib bu mahnıda iştirak etmək istəyimi bildirdim. İdeya onun da xoşuna gəldi”-deyə bildirib.

    Bəstəkar Nailə Mirməmmədli yeni layihəsindən danışıb. 

    O:“ Yerli müğənnilərimizlə türk sənətçilərinin duetlərini təşkil edəcəyəm. Onlar arasında Röya da var. Amma gərək müğənnini Röya özü seçə. Onun çox kaprizləri var. Söhbət işdən getdikdə heç bir narazılığından incimirəm. Çünki Röya işini yaxşı biləndir”-deyə əlavə edib.

 

Səma Ələsgərova

 

Muz Tv.az