Miri Yusif qrafikadan ibarət klip çəkdirəcək

Xalq artisti Aygün Kazımova ilə Brilliant Dadaşova arasındakı qalmaqal davam edir. Aygün Kazımova İnstagram səhifəsində xalq artistinin şəkilini paylaşaraq fotonun altından...

    Xalq artisti Aygün Kazımova ilə Brilliant Dadaşova arasındakı qalmaqal davam edir. Aygün Kazımova İnstagram səhifəsində xalq artistinin şəkilini paylaşaraq fotonun altından Brilliant Dadaşovanın söylədiyi bir cümləni qeyd edib: “Namiq çox yaraşıqlı oğlandır”. Onun paylaşdığı bu şəkil və şərh sosial şəbəkədə böyük müzakirələrə səbəb olub.

    Hər zaman fərqli imici ilə diqqət çəkən əməkdar artist Elza Seyidcahan həmkarlarına məsləhət verib.  O, sənətçilərin sadə geyimdə səhnəyə çıxmalarını qınayıb: “Səhnəyə çıxanda hər zaman qeyri-adi görünüşə üstünlük verirəm. Uşaqlıqdan məndə belə həvəs var. Əsl müğənni fərqli imicdə olmalıdır. Mən bəzi sənətçilərin “biz sadəliyə üstünlük veririk” sözlərini qəbul etmirəm. Səhnə müqəddəsdir, onu adiləşdirməməliyik. 60-80-ci illərə nəzər salsaq görərik ki, həmin vaxt ulduzlar maraqlı görünüşləri ilə necə diqqət çəkiblər. Mən həmin ənənəni davam etdirirəm. Qoy, digər müğənnilər də mənə baxıb yaxşı mənada öyrənsinlər və  bir az imiclərinə əl gəzdirsinlər”.

    Repçi Miri Yusif Azərbaycanda bir ilkə imza atacaq. Sənətçi “Mən küləyəm” mahnısına klip çəkdirir. Ekran əsəri bütünlüklə qrafikadan ibarət olacaq. Qeyd edək ki, klip xaricdə çəkilir və bu ilə Miri Yusif Azərbaycan klip dünyasında yeniliyə imza atacağını bildirib.

    Bir neçə ay öncə evlənən “Qala”qrupunun solisti Ceyhun Əliyev sənəti ilə bağlı işlərinə yekun vurduqdan sonra istirahət etməyi düşünür. Müğənni : “Hazırda yeni mahnı üzərində çalışıram. Sözügedən ifanın adını açıqlamayacam. Çünki adını hələ ki, seçməmişik. Həmin mahnıya klip çəkdirməyi də düşünürəm. İşlərim bitər-bitməz istirahət edəcəm. Çünki dincəlməyə ehtiyacım var. Qeyd edək ki, Ceyhun Əliyev aprelin 29-da ailə həyatı qurub. 

 

Sevda Məmmədova

 

Muz-Tv.az