Dünya şöhrətli fransız aktyoru Sami Naseri Bakıda

Doğum gününü qeyd edən Röya Ayxan bu dəfə pərəstişkarlarından hədiyyə gözləmədən özü özünə sürpriz edib. 

   Doğum gününü qeyd edən Röya Ayxan bu dəfə pərəstişkarlarından hədiyyə gözləmədən özü özünə sürpriz edib. O, “Günahsız günahım” adlı mahnısına çəkirdiyi klipi təqdim edən müğənni ekran əsərində rol alan “Taksi” filminin dünya şöhrətli aktyoru Sami Naserini Bakıya gətirib.

   Bakıya  enər-enməz jurnalistlərin suallarını cavablandıran Sami bəyin təyyarə ilə vətənimizə gəlişi gözlədiyindən də rahat olub. Bakıya öz komandası və klipi ərsəyə gətirən məşhur fransalı rejissorla  birgə gələn aktyor Röya ilə olan işbirliyindən də  söz açıb. Sən demə onların anlaşması üçün nə eyni dildə danışmağa, nə də eyni ölkənin vətəndaşı olmağa ehtiyacı var. Belə ki, cütlük klip zamanı bir birilə göz təması ilə dil tapıb.

   4 hissəli “Taksi” filminin hər bölümündə rol alan aktyor yorulmaq bilmir. İşindən böyük zövq aldığını deyən Sami bəy şəxsi həyatı ilə bağlı da danışıb. 3 gün Bakıda qalacağını söyləyən aktyor  azərbaycanlı qadın fanatlarını düşünüb əvvəlcə zarafatyana evli olmadığını  söyləsə də, daha sonra etiraf etmək qərarına gəlib.

   Müsahibənin sonunda dünyaşöhrətli aktyor səmimilik nümayiş etdirərək onu qarşılamağa gələn heyranları ilə bol-bol şəkil çəkdirib. Daha sonra isə  avtomobilinə əyləşərək oradan uzaqlaşıb.

 

Səma Ələsgərova

Elfaq Lələyev

 

Muz-Tv.az