“Kristal” ailəsində gənc kişi sənətçisi peyda oldu

Azərbaycanın pop müğənnisi Cəbrayıl Rəsulov “Kristal” qrupunun rəhbəri Mədinə Məlik və prodüser Samirlə əməkdaşlığa başlayıb.  

       Azərbaycanın pop müğənnisi Cəbrayıl Rəsulov “Kristal” qrupunun rəhbəri Mədinə Məlik və prodüser Samirlə əməkdaşlığa başlayıb. Həmişə axtarışda olan sənətçi nəhayət ki, şeytanın ayağını qırıb və musiqi albomunun hazırlığına başlayıb: “İndiki işim səmərəli olmalıdı. Çünki onlara inanıram, böyük təcrübələri var”.
      Daha çox Qərb üslubunda mahnılarını dinləməyə adət etdiyimiz Cəbrayıl son günlər etnik-milli üslubda mahnılar oxumağa başlayıb. Sənətçi bu dəyişikliyin səbəbini açıqlayıb: “ Şou-biznesdə demək olmur ki, mən bu istiqamətdə oxumaq istəyirəm. Çünki sən istədiyin qalır kənarda, insanlar başqa şey oxumaq istəyir ”
     Əməkdaşlıqdan razı qalan gənc popçu yeni planları barədə də ağız dolusu danışıb: “Hazırda yeni albom üzərində çalışıram, bir neçə mahnı hazırdır. Digər mahnılar üçün bəstkarlarla danışıqlar aparırıq”

Lalə Yusifqızı
Ramal Gülməmmədov

Muz-Tv.az