Dominik Joker Azərbaycan mətbəxinə heyran oldu

Qışda dayanamadan qonaq qəbul edən vətənimiz yayda da öz qapılarını əcnəbilərin üzünə açıb. Elə növbəti dəfə şəhərimizi ziyarət edən rusiyali ifaçı Dominik Joker olub. 

   Qışda dayanamadan qonaq qəbul edən vətənimiz yayda da öz qapılarını əcnəbilərin üzünə açıb. Elə növbəti dəfə şəhərimizi ziyarət edən rusiyali ifaçı Dominik Joker olub. Jokerin eksklüziv müsahibəsini “Muz Life”-da izləyə bilərsiniz. Şəhərimizi cənnət adlandıran ifaçının elə gələr-gəlməz ilk işi də dənizə getmək olub. Yay mövsümünün açılışı ilə konsert verən Joker Azərbaycan tamaşaçılarından da ağız dolusu danışıb. İfaçı gecə boyu oxuyacağı treklərdən də bəhs edib. Onun sözlərindən belə aydın olub ki, öz mahnıları ilə yanaşı, bu günə kimi artıq yetərincə tanınan ifalara da müraciət edəcək.

    Elə bir qonaq tapılmaz ki, azəri xörəklərindən dadmasın. Dominik Joker nəinki dadlı yeməklərimizdən xəbərdardır, hətta o, milli mətbəximizin heyranlarındandır. Şəhərimizdə bir gün qonaq olan Joker yerli ifaçılarımızdan Emin Ağalarovu tanıdığını, onunla duet oxumaq istədiyini bildirib.

    Müsahibənin sonun Joker onunla şəkil çəkdirmək istəyən heyranlarını da diqqətdən kənar qoymayıb .

 

Sona Mehdiyeva

Sərvər Mehdiyev

Elfaq Lələyev

 

Muz-Tv.az