Azərbaycanda ilk dəfə “Univision” I Beynəlxalq tələbə mahnı müsabiqəsi reallaşacaq

İyunun 21-də Heydər Əliyev Sarayında “Univision” I Beynəlxalq tələbə mahnı müsabiqəsi reallaşacaq. 

    İyunun 21-də Heydər Əliyev Sarayında “Univision” I Beynəlxalq tələbə mahnı müsabiqəsi reallaşacaq. Gənclər və İdman Nazirliyi və Azərbaycan Tələbə Gənclər Təşkilatları İttifaqının birgə layihəsi olan bu mərasim haqqında geniş məlumat vermək üçün mətbuat konfransı təşkil edilib.

   Konfransda əvvəlcə söz alan aparıcı Zəhra Bədəlbəyli tədbirin məqsədi haqqında məlumat verib. Daha sonra gənclər və idman nazirinin müavini İntiqam Babayev və Tələbə Gənclər Təşkilatları İttifaqının sədri Şahin İsmayılov müsabiqənin təşkil edilməsinin məqsədi və qatılan iyirmi ölkə haqqında danışıblar.

    Konfrans əsnasında püşkatma üsulu ilə müsabiqədə iştirak edən ölkələrin konsertdə çıxışetmə ardıcıllığı təyin edilib. Nəticəyə əsasən, Azərbaycanı təmsil edən  Zərrin Mahmudzadə 18-ci sırada səhnə alacaq.

    Tədbirdən sonra müxbirlərin suallarını cavablandıran İntiqam Babayev müsabiqənin şərtlərini və qalibləri gözləyən mükafatları açıqlayıb. Konfransın sonunda müsabiqədə iştirak edən ölkələrin təmsilçiləri birlikdə xatirə şəkli çəkdiriblər.

 

Sahilə Aslanova

Elfaq Lələyev

 

Muz-Tv.az