Məşhur ulduz evinin dekorasiyasına sərvət xərclədi

Türkiyənin tanınmış aktyoru Hakan Yılmaz ikinci dəfə evlənib. Hüquqşünas Elif Öngellə ailə quran məşhurun toyuna 300 nəfər qonaq dəvət edilib.

    Türkiyənin tanınmış aktyoru Hakan Yılmaz ikinci dəfə evlənib. Hüquqşünas Elif Öngellə ailə quran məşhurun toyuna 300 nəfər qonaq dəvət edilib. Axşam saatlarında polisin Gezi parkındakılara müdaxilə etməsi ilə toyda əyləncəyə fasilə verilib. Xatırladaq ki, Hakan Yılmaz “Ayrılsak da beraberiz”, “Avrupa yakası”, “Yahşi Cazibe” və “Ali Ayşeyi seviyor” seriallarında rol alıb.

   Los-Anceles şəhərində tanınmış aktyor və əlbəyaxa döyüş ustası Brüs Linin şərəfinə bürünc abidə ucaldılıb. Açılış mərasimində yüzlərlə insan, o cümlədən, aktyorun həmkarları, kaskadyorlar və digər şəxslər iştirak ediblər. Aktyorun qızı və Brüs Li fondunun prezidenti Şennon Li qeyd edib ki, bu abidə onun şərəfinə ABŞ-da ucaldılmış ilk abidədir.

   Holivudun ən çox qazanan aktrisalarından Cennifer Enistonun yeni dekorasiya etdiyi evinin fotoları yayılıb. Aktrisa Los Ancelesdə yerləşən evin dekorasiyasına 12,7 milyon dollar xərcləyib. Ağaclarla əhatə olunmuş evin bağçasında 3,2 milyon dolarlıq şərab zirzəmisi tikilib. Cenniferin istəyi ilə tikilən spa mərkəzi isə 950 min dollara başa gəlib. Onun  22 milyon dollara aldığı evdə nişanlısı Castin Theroux ilə birgə yaşayacağı bildirilib. Evin ümumi dəyərinin 34 milyon dollar olduğu bildirilib.

  Müğənni Beyonsun fotoşoplu şəkili onun pərəstişkarları tərəfindən böyük narazılıqla qarşılanıb. Məşhur modelyer Roberto Cavalli üçün kamera qarşısına keçən müğənninin çəkdirdiyi şəkil görənləri heyrətə gətirib. Fotoşop vasitəsilə onun bədəni həddən artıq arıq, ayaqları uzun, saçları isə düz formaya salınıb. Roberto Cavallinin şəxsi səhifəsində yayımlanan bu fotoya müğənninin pərəstişkarları xoşagəlməz şərhlər yazıb.

 

Sərvər Mehdiyev

 

Muz-Tv.az