Aygün Kazımovanın Snup Doqla çəkdirdiyi klip artıq hazırdır
”Şadan" qrupunun rəhbəri və solisti İntizar Məmmədovun avtomobilindən oğurluq olub. Hadisə elə müğənninin evinin qarşısında törədilib.
”Şadan" qrupunun rəhbəri və solisti İntizar Məmmədovun avtomobilindən oğurluq olub. Hadisə elə müğənninin evinin qarşısında törədilib. Avtomobilin yan şüşəsini daş parçası ilə sındıran naməlum şəxs asanlıqla qapını açıb və maşınının içində olan 3 min manat pulu, müxtəlif vacib sənədləri oğurlayıb. İntizarın sözlərinə görə, hadisə yaxınlıqdakı müşahidə kameralarına da düşüb. Hələ ki, oğrunun axtarışları davam edir.
Müğənni Roza Zərgərli əməkdar artist Azərinin “TRT Avaz”da yayımlanan "Azərinlə bir avaz" verilişinin qonağı olub. İfaçı veriliş çərçivəsində türk və Azərbaycan mahnılarından ibarət geniş proqram hazırlayıb. Roza Türkiyənin məşhur müğənnisi Sezən Aksunun repertuarından "El kimi" mahnısını canlı olaraq ifa edib. Sənətçi proqramın sonunda Azərinlə birlikdə korifey Zeynəb Xanlarovanın "Yaşa mənim xalqım" mahnısını duet şəklində oxuyub.
Xalq artisti Aygün Kazımovanın dünya ulduzu Snup Doqla çəkdirdiyi klip artıq hazırdır. Ekran işindən ilk görüntülərini sosial şəbəkədə paylaşan müğənni təqdimatın on gündən sonra baş tutacağını yazıb. Sənətçinin “Coffee from Columbia" adlanan klipindən yeni fotoları təqdim edirik.
Xalq artisti Brilliant Dadaşova həmkarı Aygün Kazımovanın cavabını verib. Müğənni Facebook səhifəsində Aygünün adını çəkmədən onun ünvanına “Əziz Facebook dostlarım. Siz harada görmüsünüz ki, mən kiminsə şəkilini səhifəmə yerləşdirib, status yazım. Və ya kimisə təhqir edim? Mən heç məni təhqir edənlərə cavab verməyi indiyə kimi özümə yaraşdırmamışam! Belə olan halda bu məqaləni yazan bilməlidir ki, kiməsə şər-böhtan atmaq, insanlığın ən aşağı pilləsində durmaq deməkdir”.Qeyd edək ki, xalq artisti Aygün Kazımova İnstagram səhifəsində həmkarı Brilliant Dadaşovanın şəkilini paylaşaraq fotonun altından Brilliant Dadaşovaya məxsus “Namiq çox yaraşıqlı oğlandır” sözlərini yazmışdı.
Sərvər Mehdiyev
Muz-Tv.az