Castin Biber maşını ilə jurnalisti vurdu

“Fənərbaxça” futbol klubunun məşhur oyunçusu Raul Mereles mövsümün yorğunluğunu Mayamidə atıb. Həyat yoldaşı İvon Viana ilə birgə dəniz və günəşdən zövq alan futbolçu...

    “Fənərbaxça” futbol klubunun məşhur oyunçusu Raul Mereles mövsümün yorğunluğunu Mayamidə atıb. Həyat yoldaşı İvon Viana ilə birgə dəniz və günəşdən zövq alan futbolçu növbəti çempionat üçün enerji toplayıb. Qeyd edək ki, cütlük bədənlərinin əksər hissələrindəki döymələrlə ətrafdakıların təəccüblü baxışlarına səbəb olub. 

     Məryəm Üzərlinin “Möhtəşəm yüz il”serialından ayrılmasından sonra “Hürrəm Sultan”  roluna Vahidə Gördüm yiyələnib. Aktrisa ilk dəfə iyunun 19-da yayımlanacaq mövsüm finalında tamaşaçıların qarşısına çıxacaq.

     Son vaxtlar konsertlərə gecikən, xoşagəlməz davranışlar sərgiləyən müğənni Castin Biberin maşını ilə bir jurnalisti vurub qaçdığı iddia edilir. Amerikanın Los Angeles şəhərində repçi həmkarı Lil Tvistlə gecə yarısı əyləndiyi məkandan çıxan ulduz, şəklini çəkməyə cəhd edən jurnalisti öz maşını ilə başqa avtomobil arasında sıxışdırıb. Ayağından yaralanan müxbir xəstəxanaya aparılıb. Qəzanın fərqində olmayan Biber ittihamları təkzib edib.

     ”Diamonds World Tour” çərçivəsində bütün dünyada konsertlər verən Rihanna səhnəyə gec çıxmaqda və zəif performansıyla tənqid olunmaqda davam edir. Belə ki, cazibədar müğənni bazar ertəsi Birmingemdə verdiyi konsertə tam iki saat gecikib. Məşhur model Kara Delevayn ilə səhərə qədər Çelsidəki bir gecə klubunda əylənən ulduz olduqca yorğun görünüb.

 

Sevda Məmmədova

 

Muz-Tv.az