Zamiq Hüseynovdan əsl yay konserti

Zamiq Hüseynovun yerli otellərin birində əlverişsiz hava şəraiti ilə bağlı təxirə salınmış konserti nəhayət ki, iyunun 23-də reallaşıb. 

    Zamiq Hüseynovun yerli otellərin birində əlverişsiz hava şəraiti ilə bağlı təxirə salınmış konserti nəhayət ki, iyunun 23-də reallaşıb. Müğənni yayın həzzini doya-doya yaşamağı bacaran gənclərə sözün əsl mənasında musiqi ziyafəti verib. İfaçının gecikdiyini görən aparıcılar səhnəyə çıxaraq yaranmış boşluğu öz zarafatları ilə doldurmağa çalışıblar. Tədbirdə əvvəlcə Dj öz  maraqlı şousunu  təqdim edib. Heç kimə sirr deyil ki, artıq konsertlərdə texniki qüsurların yaşanması adi bir hala çevrilib. Deyəsən Zamiq də bu xoşagəlməz hadisədən sığortalana bilməyib.

    Amma vaxtında özünü səhnəyə çatdıran müğənninin ifası bütün bu problemləri unutdurmağı bacarıb. Pərəstişkarlarını bir araya  toplayan Zamiq ard-arda ifa etdiyi mahnılarla sevənlərinin könlünü xoş edib. İrəliləyən dəqiqələrdə  müğənni musiqi aparatının arxasına keçərək öz Dj-lik məharətini göstərib. Konsertin sonunda isə ifaçı gələn qonaqlar ilə birgə rəqs edərək, gecənin keyfini çıxarıb.

 

Sərvər Mehdiyev

Bəxtiyar Nəsirov

 

Muz-Tv.az