Röya daha bir mahnısını təqdim etməyə hazırlaşır

Əməkdar artist Aygün Bəylərin aksessuar taxa bilmədiyi məlum olub. Müğənni açıqlamasında aldığı bahalı brilliantları başqalarına hədiyyə etdiyini söyləyib: “Geyimlərdən...

    Əməkdar artist Aygün Bəylərin aksessuar taxa bilmədiyi məlum olub. Müğənni açıqlamasında aldığı bahalı brilliantları başqalarına hədiyyə etdiyini söyləyib: “Geyimlərdən heç başım çıxmır. Aksessuar isə taxa bilmirəm. Bəzən özümə 10-15 min manat dəyərində yüksək əyyarlı brilliantlar alıram. Amma kim yanımda desə ki, necə qəşəngdir, dərhal çıxarıb ona verirəm. Bu yaxınlarda on beş minə beş əyyarlı brilliant dəst almışdım. Bir yaxınım dedi ki, çox gözəldir, mən də ona bağışladım”.

    Estrada ulduzu Röya Ayxan boş dayanmır. Belə ki müğənni repertuarına yeni mahnı daxil edəcək. Bu barədə bəstəkar Sevər İbrahim məlumat verib: “Söz və musiqisi mənə məxsus olan “Sənin deyiləm” mahnısı tam Röya xanımın səsinə uyğundur. Yayın real hiti gəlir deyə bilərəm. Mahnı bir neçə gündən sonra səsyazma studiyasında lentə alınacaq və qısa zamanda dinləyicilərə təqdim olunacaq”.

   Uzun zamandır Türkiyədə yaşayan müğənni Rəqsanə Azərbaycana gəlib. Sənətçi ilk olaraq doğma diyarı Gəncəyə yola düşüb. Həftəsonunu Hacıkənddə yaxınları ilə keçirən müğənni fotolarını sosial şəbəkədə paylaşıb. Müğənninin Bakıya da gələcəyi bildirilir. Xatırladaq ki, bir müddət öncə Rəqsanənin dələduzluq əməlinə görə axtarışa verildiyi, Azərbaycana gələn kimi həbs ediləcəyi haqda məlumat yayılmışdı.

   Bəstəkar Gövhər Həsənzadənin rəhbərlik etdiyi “Govkhar group”un təşkilatçılığı ilə daha bir müğənni Bakıya gəlir. Bu barədə açıqlama verən sənətçi türkiyəli ifaçı Demet Akalının Bakıda konsert verəcəyini deyib: “İndi Hadisənin konsertinə hazırlaşırıq. Növbədə isə Demet Akalın olacaq. Onun konserti avqustun sonlarında keçiriləcək. Demetə qədər daha bir neçə məşhur müğənninin gəlişi gözlənilir. Onların kimliyi isə bu ayın 26-dan sonra bəlli olacaq”.

 

Sahilə Aslanova

Muz-Tv.az