Castin Biber daha bir rekorda imza atdı

Bu yaxınlarda Rusiya mətbuatında müğənni Jasminin hamilə olması ilə bağlı xəbərlər yer alıb. İddialara cavab verməkdən imtina edən sənətçi nəhayət şayiələrə münasibət...

   Bu yaxınlarda Rusiya mətbuatında müğənni Jasminin hamilə olması ilə bağlı xəbərlər yer alıb. İddialara cavab verməkdən imtina edən sənətçi nəhayət şayiələrə münasibət bildirmək qərarına gəlib. Ulduz jurnallardan birinə verdiyi müsahibəsində həyat yoldaşı ilə körpələrinin olmasını çox arzuladığını söyləyib. “Mən həqiqətən üçüncü övlad arzusundayam. Amma indi yox. Bir müddət sonra” –deyə Jasmin yayılan iddiaları yalanlayıb.

   Məşhur tennisçilər Serena Uilyams və Mariya Şarapova arasındakı kişi davasında “dostluq” qazanıb. Belə ki, Serena bir müddət əvvəl verdiyi müsahibəsində keçmiş sevgilisi Qriqor Dimitrovla birlikdə olan Mariya üçün: “Şarapova çox darıxdırıcıdır. Dimitrov isə sevgidən heç nə anlamız” –demişdi. Bütün söylədiklərinə görə üzr istəyən Uilyams: “İlk üzr istəyən tərəf mənəm. Çünki insanları incidən bir şey etdiyimi başa düşürəm” – deyə qeyd edib. Xatırladaq ki, Şarapova da evli bir adamla birlikdə olan Uilyamsı ailə dağıtmaqda günühlandırmışdı.

   Bu il 21-ci dəfə təşkil edilən “Qızıl Göyərçin Mahnı Yarışması”-nın dəvətlisi olaraq Quşadasına gedən müğənni Bengü qaldığı otelin hovuzunda istirahət edərkən kameralara yaxalanıb. Səhnəyə çıxmamışdan əvvəl doyunca üzən sənətçi çimərlik geyimində görülüb. Meneceri ilə uzun müddət söhbət edən müğənni daha sonra çıxışına hazırlaşmaq üçün otağına gedib.

   Kanadalı gənc müğənni Castin Biber sosial mediadakı populyarlığını İnstagramda  bir daha sübut etdi. Belə ki, sənətçinin şəbəkəyə yerləşdirdiyi video 1 milyon insan tərəfindən bəyənilib. Sözügedən çarxda Biber heyranlarına mesaj göndərib.  Qeyd edək ki, Biberin İnstagramda 9 milyon izləyicisi var.

 

Sahilə Aslanova

 

Muz-Tv.az