Ebru Gündəşin həyat yoldaşı adını dəyişdi

Nüfuzlu “Forbes” jurnalı şou-biznesin ən məşhur insanlarının siyahısını yayımlayıb. Reytinq ulduzların illik gəlirlərinə, kütləvi informasiya vasitələri və sosial şəbəkələrdəki...

    Nüfuzlu “Forbes” jurnalı şou-biznesin ən məşhur insanlarının siyahısını yayımlayıb. Reytinq ulduzların illik gəlirlərinə, kütləvi informasiya vasitələri və sosial şəbəkələrdəki populyarlıqlarına əsasən tərtib edilib. Sıralamada ilk yerə məşhur teleaparıcı Opra Uinfri layiq görülüb. Onun 2013-cü il üçün gəliri 72 milyon dollar təşkil edib. İlk beşlikdə yalnız bir kişi yer alıb. Bu, məşhur rejissor Stiven Spilberqdir.

    “Kuzey Güney” serialının ulduzu, aktrisa Badə İşçilin həyat yoldaşı, iş adamı Malkoç Sualp ona bəzi qadağalar qoyub. Belə ki, gözəl xanım daha seriallarda rol ala bilməyəcək. Bu qadağaya səbəb keçən ay evlənən cütlüyün Badənin iş rejiminə görə  hələ də bal ayına gedə bilməməsidir. Amma buna baxmayaraq, aktrisa sevimli sənətindən də əl çəkməyəcək və yalnız filmlərdə rol alacaq.

    Hollivud ulduzları Ancelina Coli və Bred Pitt daha iki övlad sahibi olmaq arzusundadırlar. Colinin Suriyada reallaşan hadisələrdən çox təsirləndiyi və bu səbəblə övladlıq götürmək istədiyi iddia edilir. Bundan başqa, cütlüyün belə qərar verməsində əkizləri Noks və Vivianın daha çox qardaş istəmələrinin də böyük rolu olduğu söylənilir.

    Türkiyəli müğənni Ebru Gündəşlə evliliyi sayəsində tanınan azərbaycanlı iş adamı Rza Zərrab adını dəyişdirib. Türk vətəndaşı olan Zərrab bundan sonra “Rza Sərraf” olaraq tanınacaq.

 

Sahilə Aslanova

 

Muz-Tv.az