Avroviziya - 2012”-nin qalibi yeni klipini təqdim etdi

“Avroviziya - 2012” mahnı müsabiqəsinin qalibi Lorin “My Heart Is Refusing Me” mahnısına çəkilən yeni klipini təqdim edib. 

    “Avroviziya - 2012” mahnı müsabiqəsinin qalibi Lorin “My Heart Is Refusing Me” mahnısına çəkilən yeni klipini təqdim edib. “Bu, mənim ən sevimli əsərimdir. Bu qədər xoşuma gələn kompozisiyaya niyə ekran həyatı verməyim ki?”- deyə müğənni yeni video çarxı haqqında ağızdolusu danışıb.

    “Qara paltarlı adamlar” silsilə filmlərinin ulduzu, amerikalı aktyor Uill Smit moldoviyalı bir körpəni övladlığa götürmək qərarına gəlib. Prosesin reallaşması üçün lazım olan sənədlər də artıq hazırlanıb. Məlumata görə, balaca oğlanın adı Nikolaydır. Qərb mətbuatının xəbərinə görə, aktyor əvvəlcə rumıniyalı körpəni övladlığa götürmək istəsə də sonra da fikrindən daşınıb. Xatırladaq ki, 44 yaşlı Uill Smittin üç övladı var.

     26 milyon sterlinqlik sərvəti ilə ən çox qazanan gənc aktyor adına sahib Emma Vatson sadəcə 8 cüt ayaqqabısı olduğunu açıqlayıb. Ulduz insanların niyə həddən artıq ayaqqabı aldığını anlamadığını söyləyib.   Vaston həmçinin Paris Hiltonu da geyimə çox pul sərf etməkdə günahlandırıb.

     “Mərhəmət” serialının baş rol ifaçıları Özgü Namal və İbrahim Çelikkolun serialda canlandırdıqları sevgiləri real olub. Cütlüyün birlikdə tətilə getdikləri iddia edilir. Gün ərzində dənizə girib günəşlənən Namal və Çelikkol axşam isə bir balıqçı kafesində şam yeməyi yeyiblər. Ətraflarına fikir vermədən əylənən sevgililər xoşbəxt anlar yaşayıblar. Xatırladaq ki, İbrahim Çelikkol keçən günlərdə “İffət” serialında  tanış olduğu aktrisa Deniz Çakırla yollarını xəyanət səbəbi ilə ayırmışdı.

 

Sahilə Aslanova

 

Muz-Tv.az