Alsu Bakını “Tortlar şəhəri” adlandırıb

Bir müddətdir ki, Bakıda olan Rusiyanın məşhur müğənnisi Alsu paytaxtımız haqqında təəssüratlarını sosial şəbəkədə yazıb. 

   Bir müddətdir ki, Bakıda olan Rusiyanın məşhur müğənnisi Alsu paytaxtımız haqqında təəssüratlarını sosial şəbəkədə yazıb. Doğum gününü Bakıda qeyd edən sənətçi aldığı hədiyyələrə heyran qalıb. Bir-birindən fərqli formada şirniyyatlar alan Alsu Bakını “tortlar şəhəri” adlandırıb. 30 yaşı ilə bağlı təşkil olunan gecədə rusiyalı ifaçıya ondan çox tort bağışlayıblar.

   Rusiyanın məşhur “A-studio” qrupu həftəsonu Bakıya gəlib. Kollektiv məşhur istirahət mərkəzlərindən birində konsert verib. “A-studio” ilə birlikdə gecədə səhnəyə “Qradusi” qrupu və Vessi Boneva da çıxıb. Rusiyalı ifaçıları dinləyənlər arasında müğənni Alsu da olub. Gecədən fotoları təqdim edirik.  

   Əməkdar artist Tünzalə Ağayevanın “İkimizin yerinə” adlı albomunun təqdimatı olunacaq. Musiqi toplusunda yer alan əsərlərin böyük bir hissəsi Tünzalə Ağayevanın ifasındadır.Alboma adı verilən mahnı isə sənətçi Elnur Məmmədov tərəfindən səsləndirilib. “İkimizin yerinə” adlı kompozisiyanın sözləri millət vəkili Qənirə Paşayevaya, musiqisi isə Tünzalə Ağayevaya aiddir.Bu albom məşhur xanımların uzun illərə söykənən dostluq və işbirliyinin nəticəsi olaraq ortaya çıxıb. Qeyd edək ki sözügedən musiqi toplusunun satışından gələcək gəlir Silahlı Qüvvələrə Yardım Fonduna bağışlanacaq.

   Xanəndə İlahə İbadova növbəti klipini çəkdirib. “Səsin gəlir” adlı mahnıya çəkilən video çarx bu günlərdə televiziya kanallarına təqdim ediləcək. Rəhman Əliyevin ekranlaşdırdığı klipdə müğənninin tərəf müqabili də var. İlahə İbadova ağ və qara geyimləri ilə video çarxdakı mövzunu tamamlayıb. İfaçı xarici klipmeykerlər üçün pul tökməkdənsə, yerli rejissorlarla çalışmağı üstün tutduğunu da bildirib.  Qeyd edək ki, mahnının sözləri Nazilə Səfərli, musiqisi Ruslan Səfəroğluna məxsusdur.

 

Sevda Məmmədova

 

Muz-Tv.az