Filipp Kirkorov heyranlarını küsdürdü

Irlandiyalı aktyor Pirs Brosnanın ailəsində bədbəxt hadisə baş verib. Belə ki, ulduzun 41 yaşlı qızı  xərçəng xəstəliyi ilə apardığı üç illik mübarizədən sonra vəfat edib. 

   Irlandiyalı aktyor Pirs Brosnanın ailəsində bədbəxt hadisə baş verib. Belə ki, ulduzun 41 yaşlı qızı  xərçəng xəstəliyi ilə apardığı üç illik mübarizədən sonra vəfat edib. Məşhur “Agent 007”-nin qızına bu xəstəlik nənəsindən miras qalıb. Şarlotta iyunun 28-də Londonda həyat yoldaşı Aleks Smitlə yaşadığı mənzilində ölüb. Pirs Brosnan hadisədən sonra jurnallardan birinə verdiyi müsahibəsində qızının ruhu üçün dua etdiyini və gələcəkdə bu xəstəliyinin çarəsinin tapılacağına ümid bəslədiyini söyləyib. Qeyd edək ki, Şarlotta Pirs Brosnanın doğma qızı deyil. Aktyor 1980-ci ildə Kassandra Harrislə evlənərək onun övladlarını qəbul edib.

   50 yaşlı Hollivud ulduzu Conni Depp “Tənha reyncer” filminin Moskvada reallaşan premyerasına yeni sevgilisi ilə qatılıb. Məşhur cütlüyün kameralardan uzaq gəzməsi diqqətdən yayınmayıb. Deppin yaxınlarının sözlərinə görə, aktyor övladlarının psixologiyasını pozmamaq üçün bu addımı atıb. Xatırladaq ki, 2012-ci il iyunun 19-da Conni Depp və Vanessa Paradi rəsmi şəkildə boşanıblar. Qeyd edək ki, 50 yaşlı aktyorun yeni sevgilisi 27 yaşlı amerikalı aktrisa Amber Lora Herddir.

   Rusiyalı aktyor Filipp Kirkorovun oğlu Martin Kristonun bir yaşı tamam olub. Ulduz doğum günü mərasimindən şəkillər paylaşmağa tələsməsə də bəzi detalları açıqlayıb. Müğənninin yaxınlarının sözlərinə görə, Kirkorov balaca oğlunu hər kəsdən gizlətməkdə qərarlıdır. Filippin fanatları isə məyus olublar. Çünki o, qızı Alla Viktoriyanın doğum günü şəkillərini heyranları ilə bölüşmüşdü.  Fanatlarının könlünü almaq istəyən Filipp yalnız kiçik təbrik açıqcalarının şəkillərini şəxsi profilində  paylaşıb.

   Məşhur rokçu Avril Lavinin mətbuat katibi ulduzun evləndiyini açıqlayıb. Məlumata görə, cütlük Cənubi Fransada ailə həyatı qurub. Xatırladaq ki, Lavin heç kimin unutmayacağı, möhtəşəm toy mərasimi etmək istədiyini açıqlamışdı. Ulduz bundan əvvəl “Sum 41” rok qrupunun solisti Derik Uibli ilə üç il evli olub.

 

Sahilə Aslanova

 

Muz-Tv.az