Dünya ulduzları yeni kliplərini təqdim etdilər

Amerikalı məşhur müğənni Meray Kerrinin rəsmi Youtube kanalında “Hermosa” adlı yeni mahnısına çəkilən klipinin təqdimatı reallaşıb. 

    Amerikalı məşhur müğənni Meray Kerrinin rəsmi Youtube kanalında “Hermosa” adlı yeni mahnısına çəkilən klipinin təqdimatı reallaşıb. Trek müğənninin son “Beautiful” kompozisiyasının ispan-ingilis versiyasıdır. “Hermosa” ulduzun yeni albomuna da daxil ediləcək. Video çarxda Merayın səsyazma studiyasında çalışmalarından kadrlar əks olunub.

    Bu yaxınlara qədər Snup Doq olaraq tanınan repçi Snup Layn “Torn apart” mahnısına çəkilən yeni klipini təqdim edib. Kompozisiya britaniyalı müğənni Rita Ora ilə birgə ifa olunub. Video çarxın çəkilişləri Tailandda yanvar ayında baş tutub. “Torn apart” treki repçinin reqqi stilində lentə alınan son “Reincarnated” albomuna daxil edilib.

    Müğənni Pink də yeni klipini təqdim edib. Belə ki, ulduzun “True Love” mahnısına çəkilən video çarxı artıq internetdə yayımlanıb. Trek sənətçinin son “The Truth About Love” adlı albomuna dəstək məqsədilə çıxarılıb.  Video çarxda ulduzun konsertləri və kulisarxası görüntüləri yer alıb. Xatırladaq ki, Pinkin sözügedən albomu keçən ilin sentyabrında musiqisevərlərə təqdim edilib. Disk Avstraliya, Kanada, Almaniya və Birləşmiş Ştatların çartlarında ilk sıraya yiyələnib.

     Fransanın keçmiş “Birinci xanım”-ı Karla Bruni yaz aylarında çıxardığı albomunu tamıtmağa hazırlaşır. Ulduz elə bu səbəblər tezliklə öz ölkəsində və Amerikada turnelər təşkil edəcək.

 

Sahilə Aslanova

 

Muz-Tv.az