Türkiyənin superstarı Bakıya gəlib

Türkiyənin superstarı Ajda Pekkan Bakıya gəlib. Müğənni Qafqaz Universitetində tələbələrlə görüşüb. Sənətçi Bakını çox bəyəndiyini də deyib: “Konsertlər bitdi, tətil başladı. 

    Türkiyənin superstarı Ajda Pekkan Bakıya gəlib. Müğənni Qafqaz Universitetində tələbələrlə görüşüb. Sənətçi Bakını çox bəyəndiyini də deyib: “Konsertlər bitdi, tətil başladı. Mən də bu fürsətdən istifadə edərək Bakıya gəldim. Üç gün burada qonaq olacağam. Bakını çox sevirəm”. Müğənni həmçinin millət vəkili Qənirə Paşayeva və əməkdar artist Tünzalə Ağayeva ilə də görüşüb.

   Bakıda “Türk dünyası gənc yazarlarının toplantısı” layihəsi çərçivəsində gənc yazıçı və şairlərin tədbiri baş tutub.  Millət vəkili Qənirə Paşayeva gecədə iştirak edib. Tədbirə qatılan gənc yazıçı və şairlərlə yanaşı millət vəkilinə və əməkdar artist Aybəniz Haşımovaya da mükafatlar təqdim olunub.

   Artıq xəbər verdiyimi kimi gənc müğənni Çingiz Mustafayev Riqada keçiriləcək Yurmala Musiqi Festivalında ölkəmizi təmsil edəcək. Iyulun 13-də Rusiyaya yola düşəcək Çingiz tanınmış ifaçı Polina Qaqarina ilə duet oxuyacağını deyib: “Festivala Emin Ağalarovun dəstəyi və məsləhəti ilə qatıldım. Bir neçə turdan keçərək vəsiqə qazana bildim. Orada üç mahnı təqdim edəcəm: dünya hiti çərçivəsində Riki Martinin “Livin La Vida Loca”nı və öz bəstəm olan “Qadınım” mahnısını səsləndirəcəm. Eyni zamanda məşhur müğənni Polina Qaqarina ilə “Spektakl okoncen” mahnısını duet şəklində oxuyacağıq. Münsiflər heyətində Rusiyanın məşhur ulduzları – Meladze qardaşları, Leonit Aqutin və başqaları yer alacaq. Xulyo İqlesias və Emin Ağalarov isə qonaq qismində festivalda iştirak edəcək. Ayın 13-də Rusiyaya yollanaraq Palina ilə görüşəcəyik və duet üzərində çalışacağıq”.

   Meyxanaçı Namiq Qaraçuxurlu yeni avtomobil almaq sevdasına düşüb. O, açıqlamasında maşını xaricdən sifariş etdiyini deyib: “İki avtomobilim var. Biri Audi Q7, digəri isə “Lexus”dur. Çoxdandır son model “Toyota Lexus” arzulayıram. Artıq sifariş vermişəm. Yaxın günlərdə Bakıda olacaq”. Qeyd edək ki, meyxanaçının yeni avtomobilinin qiyməti 140 min manatdır.

 

Sahilə Aslanova

 

Muz-TV.az