Nadir Qafarzadə: “Əksəriyyətinin fəxri adı əlindən alınmalıdır”

Sosial şəbəkədə xalq artisti Aygün Kazımovanın türkiyəli məşhur aktyor Kıvanç Tatlıtuğla fotosu yayılıb. Şəklin 2002-ci ildə "Best model of Turkey" yarışması ərəfəsində çəkildiyi...

   Sosial şəbəkədə xalq artisti Aygün Kazımovanın türkiyəli məşhur aktyor Kıvanç Tatlıtuğla fotosu yayılıb. Şəklin 2002-ci ildə "Best model of Turkey" yarışması ərəfəsində çəkildiyi ehtimal edilir.

   Azərbaycan sənətçiləri ötən gün Amerikanın Bakıdakı səfirliyində qonaq olublar. Müğənnilər bu ölkənin müstəqillik günü münasibətilə keçirilən tədbirdə iştirak ediblər. Gecədə əməkdar artist Fidan Hacıyeva, müğənni Emma Ələkbərzadə, Sevda Yahyayeva və Elçin Cəfərov öz ifaları ilə qonaqlara xoş dəqiqələr yaşadıb.

   Bir neçə gündür şəhərimizin qonağı olan türkiyəli müğənni Ajda Pekkanın şərəfinə ziyafət təşkil olunub.Bir çox tanınmış simaların təşrif buyurduğu gecədə xalq artisti Brilliant Dadaşova da iştirak edib. Sənətçi Ajda Pekkanın “Kimlər gəldi, kimlər keçdi” mahnısını onun şərəfinə ifa edib. Brilliant Dadaşovanın bu jesti ifaçı tərəfindən bəyənilərək qarşılanıb. Ziyafətə millət vəkili Qənirə Paşayeva da qatılıb.

   Müğənni Nadir Qafarzadənin fikrincə 2-3 sənətkardan başqa, əksəriyyətinin fəxri adı əlindən alınmalıdır. Onların bu ada layiq olmadıqlarını düşünən sənətçi: “Fəxri adın indi hansısa müğənnidən alınması gecdir. Ad alacaq şəxsin yaradıcılığından əlavə, əxlaqı keyfiyyətləri da nəzərə alınmalıdır. Xalq artisti adını daşıyan bəzi sənətçilərin yaradıcılığı zirvədə, əxlaqı yerində deyilsə, onun sənəti başına dəysin. Fəxri ada layiq görülən  sənətçi nümunəvi olmalıdır. Mənfi keyfiyyətləri varsa o adama ad verilməməlidir . ”-deyib.  Qeyd edək ki, bir müddət bundan öncə xalq artistləri Aygün Kazımova və Brilliant Dadaşova qalmaqalına münasibət bildirən İlhamə Quliyeva:  “Aygünlə Brilliantın fəxri adı alınmalıdır ki, bu, başqalarına da dərs olsun” - deyib.

 

Sevda Məmmədova

 

Muz-Tv.az