50 Sent həbs oluna bilər
Latın amerikalı müğənni Şakira keçmiş sevgilisi Antonio De la Ruanın məhkəmə vasitəsilə ondan tələb etdiyi məbləği ödəmək istəmir.
Latın amerikalı müğənni Şakira keçmiş sevgilisi Antonio De la Ruanın məhkəmə vasitəsilə ondan tələb etdiyi məbləği ödəmək istəmir. Ifaçı apelyasiya məhkəməsinə müraciət edərək De la Ruanın pullara heç bir hüququnun çatmadığını sübut edən yazılı sübutlarının olduğunu deyib. Ulduzun eks sevgilisi ondan 45 milyon dollar tələb edib. Antonionun sözlərinə görə, o, hüquqşünas karyerasına məhz Şakiraya prodüserlik etmək üçün son qoyub. Xatırladaq ki, hazırda dünyaşöhrətli ulduz futbolçu Pike ilə birlikdədir. Cütlüyün Milan adlı oğulları da var.
Məşhur alman model Haydi Klum sevgilisi – cangüdən Martin Kristenlə ailə qurmağa hazırlaşır. Amma ulduzun şərti var. O, yalnız Martinin nikah müqaviləsi imzalayacağı təqdirdə evliliyə razılıq verəcək. Müqaviləyə əsasən, cütlüyün boşanacağı təqdirdə 45 yaşlı cangüdənə ortaq sərvətdən heç nə çatmayacaq. Xatırladaq ki, Haydi Klum 2012-ci ildə həyat yoldaşı Sildən boşanıb.
Los Anceles prokurorluğu amerikalı repçi 50 Sentə qarşı açılmış cinayət işinin istintaqına başlayıb. Ulduz keçmiş sevgilisi və övladının anasına fiziki xələl yetirməkdə günahlandırılır. Qərb mətbuatının məlumatına görə, gənc xanım şiddətli mübahisənin səbəblərini açıqlamayıb. Üç il birlikdə olan cütlük keçən həftələrdən birində qısqanclıq zəminində dalaşıblar. Daha sonra repçi mənzilindəki əşyaları sındırmağa başlayıb. Polis hadisə yerinə gələndə 50 Sent artıq orada olmayıb. Günahının sübuta yetirilməsi təqdirində musiqiçini 5 il azadlıqdan məhrumetmə, yaxud 46 min dollar cərimə gözləyir. Repçinin mətbuat xidməti hadisə ilə bağlı hər hansı bir şərh verməkdən imtina edib.
Məşhur fransalı aktyor Lui de Funesin doğma kəndində onun muzeyi açılıb. Muzey yerli sakinlərin xahişi ilə bələdiyyə tərəfindən hazırlanıb. Burada aktyorun təkcə kino karyerasından deyil, həyatından da bəhs edən materiallar toplanıb. Qonaqlar muzeydə sənətkarın evinin bağında gəzəmək, ekzspozisiyalara qatılmaq və videozalda aktyorun filmlərinə baxa bilərlər.
Sahilə Aslanova
Muz-Tv.az