Safura Əlizadənin toyu oldu

Əməkdar artist Tünzalə Ağayeva Şəkidə keçirilən “İpək yolu” festivalına qatılıb. Müğənni “Yay teatrı”nda konsert proqramı ilə çıxış edib.

    Əməkdar artist Tünzalə Ağayeva Şəkidə keçirilən “İpək yolu” festivalına qatılıb. Müğənni “Yay teatrı”nda konsert proqramı ilə çıxış edib. Sənətçinin yeni, yalnız üz hərəkətlərindən ibarət olan fotosessiyasını təqdim edirik.

    Müğənni Safura Əlizadə sənaye və energetika naziri Natiq Əliyevin oğlu Fərhad Əliyevlə ailə həyatı qurub. İfaçının təmtəraqlı toy mərasimi azərbaycanlı iş adamı Mübariz Mənsimovun hotelində keçirilib. Aparıcılığını şoumen Murad Dadaşovun etdiyi mərasimə xalq artisti Zülfiyyə Xanbabayeva, prodüser Tolik, “Bakılı oğlanlar” komandasının keçmiş üzvü Elçin Əzizov da qatılıb. Toyda Safuranı stilist Anar Ağakişiyev bəzəyib. Gec saatlara qədər davam edən mərasimin sonunda atəşfəşanlıq olub.

   Müğənni Sevda Yahyayeva da istirahət etməyi düşünür. O, dincəldikdən sonra yeni işıq üzü görmüş mahnısına klip çəkdirməyi planlaşdırır. Bu haqda ifaçının prodüsseri Tolik məlumat verib: “Sevda xanım hazırda Bakıdadır. Ancaq bu yaxın vaxtlarda istirahət etmək üçün ailəsi ilə birgə Qubaya yollanacaq. Dincəldikdən sonra yeni “Unut” adlı mahnısına klip çəkdirəcək”.  

   Müğənni Xatirə İslam yeni mahnısını dinləyicilərinə təqdim edib. Kompozisiya “Bu sevgi” adlanır. Ayrılıqdan bəhs edən ifa lirik janrdadır. 

 

Sərvər Mehdiyev

 

Muz-Tv.az