Rauf "Əjdaha"nın başını mən kəsəcəyəm" dedi və...

Rauf "Əjdaha"nın başını mən kəsəcəyəm" dedi və...
"Atv" telekanalında "Xanımlar və Cənablar" devizi ilə yayımlanan "Maşın şou"nun növbəti səsvermə günü reallaşıb.

Muztv.az xəbər verir ki, bu gün səsvermədə müğənni Rauf Əhmədov olub.

Müğənni şounun əvvəlində səs topladığı halda çıxaracağı şəxsin adını açıqlayıb:

"Maşın" şounun 1-ci sürəti olsaydı, mən əlimi götürüb gedərdim. Amma 1-ci deyil, 15-cidir. Heç bir müğənnini təkrarlamaq istəmirəm.Hədəfim də var. Mehriban xanım, bu gün sizinlə oynayacağam, özü də mədəni şəkildə. Mən artıq-əskik heç vaxt danışmamışam. Ola bilər səsimi ucaltmışam. Bu da efirdə pis görünür. Ona görə deyirəm ki, mədəni oyunumuzu oynayaq.Hədəfim Mehriban Xanlarovadır".

Əhmədovun hədəf seçdiyi əməkdar artist Mehriban Xanlarova isə yarışmaya qara rəngli eynəkdə qatılıb və bunun səbəbini açıqlayıb:

"Eynəyə görə yarışmaçılara təşəkkür edirəm, çünki bu gözlüyü taxmağa məni vadar etdilər. Mənə bəlli idi ki, Rauf bu gün mənim adımı çəkəcək. Baxmayaraq ki, dünən Vüsalə Kərimovanı çıxaracağını elan etmişdi. Mən özümdə deyiləm".

Sonda isə R.Əhmədov 49,54% səs toplayaraq yarışmanı özü tərk edib.

Qeyd edək ki, şou 7 iştirakçı ilə davam edir. "Maşın" hər gün saat 22:15-də efirə çıxır.