Eyyub Yaqubov: "Düşünürəm ki, gec-gec görsənib, amma..”

Eyyub Yaqubov: "Düşünürəm ki, gec-gec görsənib, amma..”
Müğənni Eyyub Yaqubov yaradıcılığı ilə bağlı açıqlamalar edib.

Muztv.az-a danışan sənətçi yaxın gələcəkdə pərəstişkarlarını sevindirəcəyini bildirib:

“Bir sıra layihələr üzərində çalışıram. Hüseyn Cavidin sözlərinə bizim yeni layihəmiz olacaq. “Şeyx Sənan” əsərindən bir mövzu üzərinə çalışırıq. Bu, mahnı deyil, muğamsayağı bir kompozisiya təqdim edəcəyik. Caz və muğamın sintezi gözlənilir. Mən ifa edəcəyəm, estrada janrında isə müşayiət olacaq. Layihəmizdə caz qrupunun da iştirakı planlaşdırılır. Klip barədə isə düşünürük, bu barədə qəti qərarımız yoxdur. Bundan əlavə, bəstəkar Elçin İmanovla birgə Mikayıl Müşfiqin “Gecə düşüncəsi” şeirinə mahnı ərsəyə gətirəcəyik. Ona klip də gözlənilir".

Sənətçi daha sonra efirdə az görünməsi ilə bağlı məsələyə belə aydınlıq gətirib:

“Bu qaçmaq deyil. Yaradıcılıq hər zaman tələb edir ki, işlə bərabər ortaya çıxasan. İşlər vaxt, düşünmək tələb edir. Düşünürəm ki, gec-gec görsənib mükəmməl bir iş ərsəyə gətirmək lazımdır”.