Safura toydan sonra

Xalq artisti, tanınmış muğam ifaçısı Mənsum İbrahimov tələbəsi Lamiyə Novruzovaya əxlaqsız təklif etməsi ilə bağlı bəzi media orqanlarında yazılanlara aydınlıq gətirib. 

    Xalq artisti, tanınmış muğam ifaçısı Mənsum İbrahimov tələbəsi Lamiyə Novruzovaya əxlaqsız təklif etməsi ilə bağlı bəzi media orqanlarında yazılanlara aydınlıq gətirib. Sənətkar bu şayiələrdən böyük gərginlik keçirdiyini bildirib: “Bu haqda mənə tələbələrim dedi. Tərbiyəsiz adamların yaydığı xəbərdir. Əgər təkzib etməsələr, o qəzeti məhkəməyə verib, başlarına oyun açacağam. Lamiyə mənim tələbəmdir. Çox yaxşı qızdır. Deməli, bu qız "Facebook"da yazıb ki, “Bəzi mədəniyyətsiz müəllimlər tələbələrinə pis gözlə baxırlar”. Axırda da yazıb ki, “mənim müəllimim Mənsum İbrahimov tələbələrinə atalıq edir”. Bütün bu xəbərlər də ordan qaynaqlanır. Hamı da bilir ki, bütün tələbələrimlə valideyn-övlad münasibətindəyəm”.

     Müğənni Kərim istirahət zamanı çəkdirdiyi fotolarını sosial şəbəkədə paylaşıb. Məlumata görə, şəkillərdə sənətçinin həyat yoldaşı Təranə xanım da görünüb. Cütlüyün birgə fotosunu təqdim edirik.

    Bu yaxınlarda ailə həyatı quran müğənni Safura Əlizadənin toydan sonra ilk dəfə yeni şəkli yayılıb. Xatırladaq ki,  onun həyat yoldaşı Fərhad Əliyevlə Bodrumda baş tutan toy mərasimindən heç bir fotosu  bu günə qədər mətbuatda işıq üzü görməyib.

    Müğənni Röya Türkiyəyə yola düşəcək. Sənətçi qardaş ölkədə hazırlanan “Gəmiçilər” mahnısına çəkilən klipinin son variantı ilə tanış olacaq. O, eyni zamanda adıçəkilən mahnının remiks və akustik versiyasını da səsləndirəcək. Müğənni daha sonra Bodruma və bir neçə Avropa ölkəsinə istirahətə yollanmağı planlaşdırır. 

 

Sərvər Mehdiyev

 

Muz-Tv.az