Rihanna Beyonsun rekordunu yenilədi

Dünyaşöhrətli müğənni Rihannanın Mikki Ekko ilə birgə ifa etdiyi “Stay” mahnısı ötən həftə 3 milyon 298 min nüsxə ilə satılaraq Amerikanın ən bahalı treki elan edilib. 

   Dünyaşöhrətli müğənni Rihannanın Mikki Ekko ilə birgə ifa etdiyi “Stay” mahnısı ötən həftə 3 milyon 298 min nüsxə ilə satılaraq Amerikanın ən bahalı treki elan edilib. Bu status bundan əvvəl “Halo” mahnısı ilə Beyonsa məxsus olub. Rihanna bu uğurunu Tvitterdə: “Hamınıza təşəkkür edirəm. Əla xəbərdir”-yazaraq qeyd edib. Xatırladaq ki, ulduzun Devid Getta ilə birgə ifa etdiyi son “Right now” sinqlı isə artıq bu yayın hiti elan edilib.

   Türkiyəli gözəl aktrisa Hazal Kaya yaradıcılığında verdiyi uzun fasilədən sonra yeni serialla ekranlara geri dönməyə hazırlaşır. “Gold film” prodüser mərkəzinin sentyabrda təqdim edəcəyi iddialı ekran işlərindən “Son aşk”-ın aktyor kollektivi artıq dəqiqləşməyə başlayıb. Serialda Nebahat Çehrə və Aslıhan Gürbüzün rol alacağı gözlənilir. Hazal Kaya ilə danışıqların aparıldığını bildirən prodüser Faruk Turqut hələ dəqiq nəticəyə gəlmədiklərini də vurğulayıb.

   Kanadalı caz ifaçısı Maykl Babl “Close your eyes” mahnısına çəkilən yeni klipini təqdim edib. Trek ulduzun son “To be loved” albomuna daxil edilib. Video çaxr Bablın səsyazma studiyasına daxil olması ilə başlayır. Ekran işində müxtəlif yaş qruplarına məxsus xoşbəxt cütlüklər əks olunub. İfaçı mahnının hamilə həyat yoldaşı Luizianın şərəfinə yazıldığını etiraf edib.

   Həyat yoldaşı Emre Altuğla yağ və şampun reklamlarında rol alan model Çağla Şikel video çarxlardan 2 milyon lirə qazanmışdı. Bundan başqa ulduz uşaqları ilə birlikdə bir yuyucu tozu brendinin siması kimi çıxış edib və 800 min lirə qazanıb. Son olaraq isə cipsi reklamında rol alan Çağla ən çox qazanan model olub. Övladlarına zaman ayırmaq üçün seriallara çəkilməyən Şikel beləcə həm ekranlardan uzaq qalmır, həm də sərvətini artırır.

 

Sahilə Aslanova

 

Muz-Tv.az