Elcan Rəsulov: “Bu “Maşın”ın “Boz Kardinalı yoxdur - fotolar 

Elcan Rəsulov: “Bu “Maşın”ın “Boz Kardinalı yoxdur - fotolar 
“Təhmin və Zaur” filminin əsas qəhrəmanlarından biri olan aktyor Elcan Rəsulov Muz Tv-yə özəl açıqlamalar edib.

Muztv.az xəbər verir ki, Elcan müsahibəsində ilk olaraq gündəmi zəbt edən “Maşın şou” ilə bağlı danışıb:

“Mənim dostum, əzizim Vüqar Əbdülov bu yarışmada iştirak edirdi. Onunla dəfələrlə telefon danışığında dedim ki, necə olur ki, orada oyun yarada bilmirsiniz? Dedi ki: “Burada elə bir heyət yoxdur ki, kimləsə münasibət quraq, maraqlı oyun alındıraq”. Hamı deyir ki, “Maşın şou”nun 14-cü sürəti daha maraqlı idi. Söhbət maraqdan getmir, biz ünsiyyəti düz qurmuşduq, özümüzəməxsus oyun forması var idi. O formanı da, sona kimi qoruyub saxlaya bildik. İndi sadəcə pərakəndə oyun gedir, bizdə komanda şəklində idi. Fərq də, bundan ibarətdir. Bu “Maşın”ın “Boz Kardinal”ı yoxdur”. Favoritim isə meyxana ifaçısı Vüqar Əbdülov idi”.

Daha sonra Elcan yaradıcılığı ilə bağlı da tamaşaçılarına müjdə verib:

“Növbəti il üçün yeni bir film üzərində çalışıram. Çalışıram ki, hər il bir filmə çəkilim. Bunu özüm üçün bir ənənə halına salmışam. Amma istəyirəm ki, növbəti ildə çox filmə çəkilim, hamı kimi edim. İstədiyim gəliri də, əldə edirəm. Təklif olunan obrazlar müxtəlifdir. Amma, yenə də qonorarımın qiymətini dəyişmirəm. Mənim üçün janrın fərqi yoxdur. Rejissorlar hansı obraza uyğun görürlərsə, ona uyğun dəvət edirlər. Hətta bu yaxınlarda melodrama janrında olan filmə də dəvət aldım. Çünki buna mənim potensialım imkan verir. Təhsilim də var. Yaxşının yaxşısını etmək lazımdır”.

Lamiyə BALACAYEVA