Görkəmli bəstəkar Hacı Xanməmmədovun 95 illik yubileyi keçirildi

İyulun 9-da Beynəlxalq Muğam Mərkəzində xalq artisti, görkəmli bəstəkar və dirijor Hacı Xanməmmədovun 95 illiyinə həsr olunan yubiley konserti keçirilib. 

   İyulun 9-da Beynəlxalq Muğam Mərkəzində xalq artisti, görkəmli bəstəkar və dirijor Hacı Xanməmmədovun 95 illiyinə həsr olunan yubiley konserti keçirilib. Tədbirdən əvvəl jurnalistlərin suallarını cavablandıran xalq artisti, tarzən Ramiz Quliyev mərhum sənətkar haqqında ürək sözlərini bölüşüb.

   Azərbaycan Televiziyası və Radiosunun musiqi kollektivləri və Beynəlxalq Muğam Mərkəzinin birgə layihəsi olan tədbirdə ilk olaraq aparıcı söz alaraq gecənin önəmindən danışıb.Daha sonra istedadlı opera müğənnisi, beynəlxalq müsabiqələr laureatı olan Ramil Qasımov görkəmli bəstəkarın Azərbaycan musiqisinə verdiyi töfhədən söz açıb.

   Mərasimin sonunda gənc xanəndələr mərhum xalq artistinin dillər əzbəri olan mahnılarını gələn qonaqlar üçün ifa ediblər.

Qeyd edək ki, "Şöhrət" ordenli xalq artisti, Bakı Musiqi Akademiyasının professoru Hacı Xanməmmədov 2005-ci il aprelin 7-də 87 yaşında vəfat edib.

 

Sahilə Aslanova

Elfaq Lələyev

 

Muz-Tv.az