“Coffee from Columbia” dünyaya səs saldı

Xalq artisti Aygün Kazımovanın dünya ulduzu Snup Doqla birgə ifa etdiyi “Coffee from Columbia” dueti iTunes vasitəsilə təqdim olunub.

    Xalq artisti Aygün Kazımovanın dünya ulduzu Snup Doqla birgə ifa etdiyi “Coffee from Columbia” dueti iTunes vasitəsilə təqdim olunub. Məlumata görə, alboma mahnının 12 müxtəlif versiyası daxil edilib. Müğənninin musiqi toplusunu əldə etmək üçün 5,99 dollar ödəmək lazımdır. Qeyd edək ki, yeni olmasına baxmayaraq “Coffee from Columbia” ən çox satılan albomlar sırasında birinci yerdədir. 

   Müğənni Günay İbrahimli “Söz olar” mahnısına klip çəkdirib. Sözləri və musiqisi Tural Bakuviyə aid olan mahnını fotoqraf Kəmalə lentə alıb. Rayonların birində çəkilən klipin maraqlı süjet xətti var. Belə ki, ekran işində Günay kənd qızı obrazına girib. 

  Müğənni Nadir Qafarzadə Türkiyədə aldığı yeni mənzilindən danışıb. O, öz açıqlamasında  evinə 300 min manat xərc çəkdiyini deyib: “Sonuncu səfərim zamanı İstanbuldakı evimin sənədlərini aldım. Təmirli, həyətində hovuzu olan binadır. Orada üç min ailə yaşayır. Çox xoşuma gəlir. Bu ev olduqdan sonra Antalyaya, Bodruma ehtiyac qalmır. Binada istirahət üçün bütün şərait yaradılıb. Həyat yoldaşımla gedib bütün əşyaları aldıq, evi tam hazır vəziyyətə gətirdik. Ümumilikdə 300 min manat pul xərclədim”.

   Həftəsonu ailə həyatı quran əməkdar artist Tünzalə Əliyeva ilk dəfə olaraq toyu ilə bağlı təəssüratlarından danışıb. Aktrisa mərasimin Ağdaşda baş tutduğunu və hər şeyin ürəyincə olduğunu deyib: “Çox gözəl idi. Mərasim Ağdaşda şadlıq evlərinin birində keçirildi. Qaynatam mənə sürpriz hazırlamışdı. Bilirsiniz ki, ailəmizdə itki olduğundan xına mərasimim baş tutmadı. O, toydan sonra evimizin həyətində mənim üçün böyük bir məclis təşkil edib, xına mərasimi keçirdi. Bundan böyük sürpriz ola bilməzdi”. Tünzalə bal ayını Azərbaycanın bölgələrində keçirəcəyini də deyib.

 

Sərvər Mehdiyev

 

Muz-Tv.az