Məşhur müğənni ata oldu

Xalq artisti Aygün Kazımova bu ayın sonunda Nabranda konsert verəcək.  Müğənninin daha bir konserti “Amburan”-da reallaşacaq. 

    Xalq artisti Aygün Kazımova bu ayın sonunda Nabranda konsert verəcək.  Müğənninin daha bir konserti “Amburan”-da reallaşacaq. O, tədbirdə Türkiyədə birlikdə çalışdığı Murat Yetərin orkestrı ilə çıxış edəcəyini bildirib. Proqram iyulun son həftəsi keçiriləcək.

   Xalq artisti Brilliant Dadaşova oğlu Cahadın özbəkistanlı qızla eşq yaşaması haqda xəbərlərə münasibət bildirib. Sənətçi həmçinin rəfiqəsi, xalq artisti Zülfiyyə Xanbabayeva ilə küsülü olmaqları ilə bağlı yayılan iddiaları da yalanlayıb. “Yazılan bəzi şeylərə çox təəssüflənirəm. Biri yazır ki, guya mənim uşağımla aramda “soyuq küləklər” əsir. O biri deyir ki, uzun illərdir dostluq etdiyim yaxın rəfiqəm Zülfiyyə Xanbabayeva ilə aram dəyib. Gülməlidir...” - deyə müğənni şəxsi "Facebook" səhifəsində yazıb.

   Müğənni Samir Piriyev üçüncü dəfə ata olub. Sənətçinin oğlu dünyaya gəlib. O, yeni körpəsinə Nicat adını qoyub. Qeyd edək ki, Samir Piriyevin həmçinin iki qızı da var. Ötən həftə sənayə və energetika naziri Natiq Əliyevin oğlu Fərhad Əliyevlə nikah masasına oturan müğənni Safurə Əliyeva yeni fotolarını sosial şəbəkədə paylaşıb. İndiyədək gəlinlik şəkillərini mediadan uzaq tutan sənətçi ilk toy fotosunu İnstaqram profilində yayımlayıb.  Müğənni həmçinin bacısı Fidanla dəniz gəzintisindən çəkdirdiyi görüntüləri də izləyiciləri ilə bölüşüb.

 

Sahilə Aslanova

 

Muz-Tv.az