Məhşur cütlük 11 illik ailə həyatına son qoydu

Türkiyəli model, “Ebruli” verilişinin aparıcısı Ebru Şallı və həyat yoldaşı Harun Tan ayrılıb. Cütlük 11 ildən sonra boşanma qərarına gəlib. 

     Türkiyəli model, “Ebruli” verilişinin aparıcısı Ebru Şallı və həyat yoldaşı Harun Tan ayrılıb. Cütlük 11 ildən sonra boşanma qərarına gəlib. Hər fürsətdə bir-birlərinə qarşı sevgilərini elan edən ailənin dağılması hamı tərəfindən təəccüblə qarşılanıb. Qeyd edək ki, Ebrunun Harun Tandan iki oğlan övladı var.

   Dünyaca məşhur ulduz Beyons yeni fotosessiyası ilə böyük maraq doğurub. İfaçı üzəri rəngli boyalarla bəzədilmiş və çılpaq formada şəkillər çəkdirib. 

2011-ci ildə “Flaunt” dərgisi üçün hazırlanan fotolar bu il iyul ayında işıq üzü görən nömrədə yayımlanıb. Şəkillərdə tamamilə çılpaq olan Beyons cazibədarlığını bir daha sübut edib.

   “Öyle bir geçer zaman ki…” serialındakı Karolin obrazı ilə tanınan aktrisa Vilma Elles yeni film təklifi alıb. Almaniyalı aktrisa Türkiyənin “Fox” kanalında həftə içi hər gün yayımlanan “Kahireli Palas”-da çıxış edəcək. Serialda əcnəbi vətəndaş Emilini canlandıracaq Vilma 25-ci bölümdən etibarən rol alacaq.

   Sentyabrda üçüncü mövsümü başlayacaq “O ses Türkiye” yarışmasına yeni sima qatılıb. Müğənni Ebru Gündəş müsabiqənin münsifitəyin edilib. Layihənin rəhbəri Acun Ilıcalı Ebru Gündəşin səsini çox bəyəndiyini deyib: “Ebru istedadlı müğənnidir. Onunla çalışacağım üçün çox sevinirəm. Yaxın günlərdə daha bir sürprizim olacaq”. Qeyd edək ki, müsabiqənin sonuncu münsif kürsüsündə müğənni Hadisə, Murad Boz, Hülya Avşar və Mustafa Sandal əyləşmişdi.

 

Sərvər Mehdiyev

 

Muz-Tv.az