Əməkdar artistin 50-ci maşını qəzaya düşdü

Məşhur rumıniyalı “Radio killer” DJ  qrupu Bakıda maraqlı konsert proqramı ilə çıxış edib. Tədbir şəhərin məşhur otellərindən birində baş tutub. 

   Məşhur rumıniyalı “Radio killer” DJ  qrupu Bakıda maraqlı konsert proqramı ilə çıxış edib. Tədbir şəhərin məşhur otellərindən birində baş tutub. Müğənni Günay İbrahimli “Qala” qrupunun solisti Ceyhun Əliyevlə duet oxuyub. “Söz verirəm” adlanan mahnının sözləri Anar Məmmədova, musiqisi isə Ceyhunun özünə məxsusdur. Günayın ifasını çox bəyəndiyini bildirən sənətçi bəstəyə klip çəkdirəcəklərini əlavə edib:“Bu mahnını Günayın ifasında dinləmişəm. Çox bəyəndim, fikirləşdim ki, görəsən, niyə onunla duet oxumuruq? İşbirliyimiz gözəl alındı”.Günay isə bildirib ki,  bir ildir bu mahnıda gözü qalıb və sonda istəyinə çatıb”.

   Azərbaycanda ilin ən “bahalı” qəzalarından biri baş verib. Belə ki, müğənni Cavanşir Məmmədovun 1 milyon manat dəyərində olan avtomobili arxadan vurulub. Qəza zamanı xəsarət alan olmasa da, hər iki maşına ciddi ziyan dəyib. Xatırladaq ki, müğənni   avtomobili 2011-ci ilin aprelində 960 000 avroya alıb və  həmin maşın müğənninin kolleksiyasındakı sayca 50-ci avtomobildir.

   Əməkdar artist Abbas Bağırov həmkarlarına əsəbiləşib. Müğənni Azərbaycanda istirahət etməyərək xaricə üz tutan sənətçilərə etiraz edib: “Yay istirahətimi Azərbaycanda keçirməyi planlaşdırıram. İnsanlar arasında olmağı xoşlayıram. Bəzi müğənnilər var ki, istirahət üçün xaricə gedirlər. Deyirlər ki, burada dincəlmək mümkünsüzdür. Tanındıqları üçün narahat olurlar. Belələri sadəcə ulduz xəstəliyinə tutulanlardır. Hərdən insan içinə çıxmaq, sevənlərinlə ünsiyyətdə olmaq lazmdır. Səni hər zaman efirdən görməyəcəklər ki?!"-deyib.

 

Sevda Məmmədova

 

Muz-Tv.az