Bakıda Rafiq Babayevin möhtəşəm yubiley konserti - fotolar
Bakıdakı “Landmark” otelində görkəmli caz ifaçısı, Xalq Artisti Rafiq Babayevin anadan olmasının 80 illiyi münasibətilə konsert olub.
Muztv.az Azərtac-a istinadən xəbər verir ki, Bakı Beynəlxalq Caz Festivalı çərçivəsində təqdim edilən konsertdə “Azəri Jazz” musiqi qrupu müxtəlif klassik caz ifaları ilə sənətsevərlərin görüşünə gəlib. Konsertdən əvvəl Xalq Artisti Oqtay Mirqasımov və sənətkarın qızı Fərizə Babayeva çıxış ediblər.
Bildirilib ki, Rafiq Babayev Bakıda musiqiçi ailəsində dünyaya göz açıb, musiqi təhsilinin bütün pillələrində uğur qazanıb. Caz musiqisinə böyük həvəsi, improvizasiya bacarığı, ailədən gələn musiqiçi istedadı, sanki bu gəncin həyat yolunu müəyyən edirdi. Təhsilini başa vurduqdan sonra özünün caz-instrumental qrupunu yaradan Rafiq Babayev SSRİ turnesinə çıxır, bir sıra caz festivallarının laureatı olur. 1965-ci ildə o, öz caz kvartetinin və Teymur Mirzəyevin Bakı vokal kvintetinin birləşməsi nəticəsində yaranmış “Qaya” caz vokal instrumental ansamblının musiqi rəhbəri təyin edilib. Musiqiçi 1978-ci ildə Azərbaycan SSR-in Əməkdar Artisti, 1993-cü ildə isə müstəqil Azərbaycanın Xalq Artisti adlarına layiq görülüb. Milli musiqini cazla sintez edərək ona yeni nəfəs verən istedadlı bəstəkar 20-dən çox bədii və sənədli ekran əsərinə, həmçinin cizgi filminə musiqi bəstələyib.
Tədbir konsert proqramı ilə davam edib. Bir qrup azərbaycanlı gənc cazmenin ifası alqışlarla qarşılanıb. Konsertdə klassik və müasir caz musiqisi, eləcə də dünya caz musiqisindən hit nömrələr təqdim edilib. Gecədə gənc ifaçılarla yanaşı, tanınmış cazmen Cavan Zeynallı da çıxış edib.
Muztv.az Azərtac-a istinadən xəbər verir ki, Bakı Beynəlxalq Caz Festivalı çərçivəsində təqdim edilən konsertdə “Azəri Jazz” musiqi qrupu müxtəlif klassik caz ifaları ilə sənətsevərlərin görüşünə gəlib. Konsertdən əvvəl Xalq Artisti Oqtay Mirqasımov və sənətkarın qızı Fərizə Babayeva çıxış ediblər.
Bildirilib ki, Rafiq Babayev Bakıda musiqiçi ailəsində dünyaya göz açıb, musiqi təhsilinin bütün pillələrində uğur qazanıb. Caz musiqisinə böyük həvəsi, improvizasiya bacarığı, ailədən gələn musiqiçi istedadı, sanki bu gəncin həyat yolunu müəyyən edirdi. Təhsilini başa vurduqdan sonra özünün caz-instrumental qrupunu yaradan Rafiq Babayev SSRİ turnesinə çıxır, bir sıra caz festivallarının laureatı olur. 1965-ci ildə o, öz caz kvartetinin və Teymur Mirzəyevin Bakı vokal kvintetinin birləşməsi nəticəsində yaranmış “Qaya” caz vokal instrumental ansamblının musiqi rəhbəri təyin edilib. Musiqiçi 1978-ci ildə Azərbaycan SSR-in Əməkdar Artisti, 1993-cü ildə isə müstəqil Azərbaycanın Xalq Artisti adlarına layiq görülüb. Milli musiqini cazla sintez edərək ona yeni nəfəs verən istedadlı bəstəkar 20-dən çox bədii və sənədli ekran əsərinə, həmçinin cizgi filminə musiqi bəstələyib.
Tədbir konsert proqramı ilə davam edib. Bir qrup azərbaycanlı gənc cazmenin ifası alqışlarla qarşılanıb. Konsertdə klassik və müasir caz musiqisi, eləcə də dünya caz musiqisindən hit nömrələr təqdim edilib. Gecədə gənc ifaçılarla yanaşı, tanınmış cazmen Cavan Zeynallı da çıxış edib.