Aygün Kazımova yay ərzində 2 konsert verəcək

Azərbaycanın xalq artisti Mübariz Tağıyev son zamanlar adları qalmaqallarda hallanan həmkarlarından söz açıb.

   Azərbaycanın xalq artisti Mübariz Tağıyev son zamanlar adları qalmaqallarda hallanan həmkarlarından söz açıb. O, xalq artistlərinin bir-birinin ünvanına xoşagəlməz sözlər söyləməsinin əleyhinə olduğunu deyib: “Axır vaxtlar adları söz-söhbətlərdə çəkilən xalq artistlərinin dalaşmaqları heç də xoş ab-hava yaratmır. Onların işlərinə qarışmaq istəməzdim. Ancaq bunu efir vasitəsi ilə nümayiş etdirmək lazım deyil. Ola bilər ki, incisinlər. Amma bu ona dəlalət gətirmir ki, bir-birilərinə qarşı sərt ittihamlar söyləsinlər. Biz sənət adamlarıyıq. Belə qalmaqallı məsələlərin tam əleyhinəyəm”.

   XalqartistiAygünKazımovanınsolokonsertininvaxtı bəlliolub. Müğənni iyulun 26-da yerli istirahət mərkəzlərin birində sevənlərinin qarşısına çıxacaq. Aygün Kazımovanın bu yay üçün planlaşdırdığı ikinci konserti isə avqustun ilk ongünlüyündə baş tutacaq. Növbəti ayda reallaşacaq konsertin təşkilatçısı prodüser Tolikdir.
   Müğənni Çingiz Mustafayev Yurmalada keçiriləcək Novaya volna festivalında iştirak etmək üçün Riqaya yollanıb. Bir neçə gündür ki, məharətini göstərən sənətçi yarışma ilə bağlı fikirlərini sosial şəbəkədəki profilində paylaşıb: “Artıq Riqaya gəldik. Qırmızı xalçadan keçib, müsahibələr verdikdən sonra Yurmalaya yola düşdük. Məşqlər edirik. Burada baş rejissor Aleksandr Revzin məsləhətlərinə qulaq asıram. Bu müsabiqənin bir hissəsi olmaq qürurvericidir”. Qeyd edək ki, Çingiz festival çərçivəsində tanınmış rusiyalı ifaçı Polina Qaqarina ilə duet oxuyacaq.

   Müğənni Elton Hüseynəliyev yeni klipini təqdim edib.“Ana” adlı mahnının sözləri Elməddin Həmidova, musiqisi isə Elməddin Həmidovla Elçin Cəfərova aiddir. Qeyd edək ki, klipin aranjiman işlərini Tərlan Məmmədhüseynov yerinə yetirib.

 

Server Mehdiyev

 

Muz-Tv.az