Beyons qızının şəkillərini paylaşdı

Amerikalı müğənni Mayli Sayrus anası Tişlə birgə Kaliforniya ştatındakı bir marketdə alış-veriş edərkən kameralara yaxalanıb. 

   Amerikalı müğənni Mayli Sayrus anası Tişlə birgə Kaliforniya ştatındakı bir marketdə alış-veriş edərkən kameralara yaxalanıb. Gözəl bədən quruluşunu qorumaq üçün çoxlu sayda karbohidratsız qida alan 20 yaşlı ulduzun 1 dollar əks olunan geyimi də diqqət çəkib.

   “Mənim dünyam” adlı filmə çəkilən türkiyəli aktrisa Beren Saat qısa tətil fürsətindən istifadə edərək sevgilisi Kənan Doğulu ilə Cunda adasına gedib. Filmin süjetinin davamlılığının pozulmaması üçün günəşlənməkdən çəkinən Saat dənizə girərkən görülüb. Uzun müddət üzən aktrisanın gözəl bədən quruluşu  diqqətdən qaçmayıb.

   Məşhur amerikalı müğənni Beyons balaca qızının şəkillərini heyranları ilə paylaşmaqda davam edir.  Belə ki, bu günlərdə ulduz 18 aylıq Blu Ayvinin yeni fotolarını sosial şəbəkədə yayımlayıb. Xatırladaq ki, Beyons 2012-ci ilin başlanğıcında ana olub. Müğənni müsahibələrindən birində daha bir övlad istədiyini bildirib.

    PSY-ın klipləri Youtube saytında 3 milyarddan çox insan tərəfindən izlənərək rekord qırıb.  Ulduz bu qədər baxış sayına sahib olan üçüncü məşhurdur. Söhbət “Gangnam style” və “Gentleman” kliplərindən gedir. PSY-dan başqa, Rihanna və Castin Biber də 3 milyard izlənmə sayına sahibdirlər. Xatırladaq ki, PSY-ın “Gangnam Style” video çarxı 2012-ci ilin hiti elan edilib.

 

Sahilə Aslanova

 

Muz-Tv.az