Bu gün xalq artisti Mirzə Babayevin doğum günüdür

Azərbaycan estrada musiqisinin banilərindən biri Mirzə Babayevin doğum günüdür.  O, 1913-cü il iyulun 16-da Bakı şəhərində dünyaya gəlib.

   Azərbaycan estrada musiqisinin banilərindən biri Mirzə Babayevin doğum günüdür.  O, 1913-cü il iyulun 16-da Bakı şəhərində dünyaya gəlib. İxtisasca memar olan Mirzə Babayev Bakıda və Azərbaycanın digər şəhərlərində tikilən bir çox binaların və muzeylərin də layihə müəllifidir.

   Mirzə Babayev müğənnilik fəaliyyətinə 40-cı illərin əvvəlində görkəmli bəstəkar Tofiq Quliyevin rəhbərlik etdiyi caz orkestrində başlayıb. Sənətkarın ifasında olan “Limanda”, “ Saçlarına gül düzüm”, “Gəlmədi”, “Kəpənək” mahnıları hər kəsin yaddaşına iz salıb.

   O, 1948-ci ildə Azərbaycan Dövlət Konservatoriyasına,məşhur müğənni Bülbülün sinfinə daxil olub. Mirzə Babayev  “Aygün”, “Dəli Kür”, “Gün keçdi”, “Dərviş Parisi partladır” kimi 30-dan artıq filmdə rol alıb. Uzun illər Azərbaycan Dövlət Filarmoniyasında çalışıb.Sənətkarın xalq artisti Brilliant Dadaşova ilə birgə oxuduğu “Mirzə dayı” mahnısı bu günə kimi sevilməkdədir.

   O, əməkdar artist, xalq artisti fəxri adlarına layiq görülüb və iki dəfə "Humay" mükafatı laureatı olub. 2003-ci il yanvarın 13-də, ömrünün 90-cı ilində vəfat edib. Biz də “Muz Life” komandası olaraq böyük sənətkarımıza  Allahdan rəhmət diləyirik.

 

Sərvər Mehdiyev

 

Muz-Tv.az