“Rafet El Roman Aygün Kazımovanı konsertinə şəxsən özü dəvət edib”

Türkiyənin tanınmış müğənnisi Rafet El Roman və  Azərbaycan əsilli Ezo Genc Bakıda konsert proqramı ilə çıxış edəcək. “Romantik yay axşamı” adlı tədbir iyulun 18-də saat...

   Türkiyənin tanınmış müğənnisi Rafet El Roman və  Azərbaycan əsilli Ezo Genc Bakıda konsert proqramı ilə çıxış edəcək. “Romantik yay axşamı” adlı tədbir iyulun 18-də saat 20:00-da Yaşıl Teatrda reallaşacaq. Konsertin biletlərinin qiyməti 20-80 manat arasıdır. Gecənin sürpriz qonağı da olacaq. Bu barədə konsertin təşkilatçısı, "Səs Music Organization"un rəhbəri Nahid Emiloğlu məlumat verib. Onun sözlərinə görə, konsertin özəl qonağı Aygün Kazımovadır: "Çox möhtəşəm, fərqli bir şou gözlənilir. Rafet El Roman şəxsən özü xalq artisti Aygün Kazımovanı konsertə dəvət edib. Tamaşaçıların nəzərinə çatdıraq ki, bu dəfəki tədbir müxtəlif performanslar, sürpriz tamaşalar və gözəl musiqilərlə zəngin olacaq”. Qeyd edək ki, Rafet və Ezokonsertdən bir gün öncə iyulun 17-də günorta saatlarında paytaxtımızda olacaqlar.Cütlük 2gün vətənimizdə qalacaq.

   Meyxanaçı Namiq Qaraçuxurlu tədbirlərin birində gecə boyunca telefonu əlindən buraxmayıb. Sənətçi telefondan ən çox yeni üzv olduğu İnstaqram sosial şəbəkəsi üçün istifadə edib. Qeyd edək ki, o, İnstaqramda aktivliyi ilə seçilir.

   Prodüser Tarix Əliyevin ailəsində ağır itki baş verib. Məlumata görə onun adını daşıdığı babası Tarix dünyasını dəyişib.  Reper Qurd iyulun 13-də Nabranda istirahət mərkəzlərinin birində  konsert verib. Tədbirdə reperlə yanaşı müğənni Roza Zərgərli və Nadir Nəğd Pul da səhnəyə çıxıb. Roza və Qurd “Min bir gecə” adlı duetlərini təqdim ediblər. Reper həmçinin öz ifası və rəqsləri ilə qonaqlara əyləncəli anlar yaşadıb. Konsertdə müğənni Rəhim Rəhimlinin iştirakı gözlənilsə də, bəzi səbəblərdən qatıla bilməyib. 

 

Sevda Məmmədova

 

Muz-Tv.az