Bu gün xalq artisti Telman Adıgözəlovun bu gün doğum günüdür

Xalq artisti, teatr və kino sahəsinin unudulmaz siması Telman Adıgözəlovun 60 illik yubileyidir. O, 1953-cü il iyulun 17-də Balakən rayonunda anadan olub.

    Xalq artisti, teatr və kino sahəsinin unudulmaz siması Telman Adıgözəlovun 60 illik yubileyidir. O, 1953-cü il iyulun 17-də Balakən rayonunda anadan olub. 1975-ci ildə Azərbaycan Dövlət İncəsənət İnstitutunun dram və kino aktyorluğu fakültəsini bitirib. Akademik Milli Dram Teatrında fəaliyyətə başlayan aktyor, teatr səhnəsində maraqlı obrazlar yaradıb. Bunlardan Cəlil Məmmədquluzadənin "Dəli yığıncağı", “Zəncirvuran”, İlyas Əfəndiyevin "Xurşidbanu Natəvan", "Mahnı dağlarda qaldı",Hüseyn Cavidin "İblis" əsərinin motivləri əsasında hazırlanan tamaşalardakı obrazlarını göstərmək olar.

  İstedadlı aktyor Dövlət televiziyasında hazırlanmış "Yaşıl eynəkli adam", "Ordan-burdan", "Qonşular", "Azərbaycanfilm" kinostudiyasında istehsal olunmuş "Nəsimi", "Üzü küləyə", "Xatirələr sahili" kimi filmlərdə xarakterik rollar oynayıb.

   Telman Adıgözəlov 2000-ci ildə Azərbaycan Respublikasının əməkdar artisti və 2006-cı ildə xalq artisti fəxri adına layiq görülüb. O, 2010-cu il aprelin 15-də 57 yaşında ürək çatışmazlığından vəfat edib. Allah rəhmət eləsin!

 

Sərvər Mehdiyev

 

Muz-Tv.az