Aygün Kazımova Snup Doqu türk dilində danışdırdı

Xalq artisti Aygün Kazımova “Coffee from Columbia” klipinin çəkilişləri zamanı repçi Snup Doqa türkcə danışmağı öyrədib. 

    Xalq artisti Aygün Kazımova “Coffee from Columbia” klipinin çəkilişləri zamanı repçi Snup Doqa türkcə danışmağı öyrədib. Ulduz qardaş ölkəyə salamlar göndərərək: “Mərhaba, Türkiyə” - deyib. Aygün Kazımova bildirib ki, çəkiliş zamanı Snupa azərbaycanca salamlaşmağı da öyrədib. Həmin video isə yaxın günlərdə yayımlanacaq.

    Əməkdar artist Lalə Məmmədova musiqisi millət vəkili Novruz Aslana, sözləri Eldar Allahyaroğluna aid olan “Azərbaycan-Türkiyə” adlı mahnısının klip çəkilişlərinə başlayıb.  Video çarxın rejissoru Fuad Əlişovdur. Lalə Məmmədova bu mahnını uşaqlıqdan sevdiyini, hər zaman ifa etmək arzusunda olduğunu bildirib: “Bəstəni dərk edərək oxumaq insana başqa bir zövq verir. Azərbaycanla Türkiyə arasındakı dil, din, dostluq əlaqələri möhkəm olub. Bizim millət vəkilləri Novruz Aslan və Eldar Allahyaroğlu bu mövzuya çox həssaslıqla yanaşıb. Mahnı uğurlu alınıb. Fuad Əlişovun klipi də maraqlı çəkəcəyinə inanıram”.

    Müğənni Samira Allahverdiyeva da yay istirahətinə yollanan sənətçilər sırasındadır.  İfaçı ailəsi ilə birlikdə Bodruma gedib. Sənətçi istirahət zamanı çəkdirdiyi fotoları İnstaqram sosial şəbəkəsində paylaşıb.

    Müğənni Xatirə İslam yol üstədir. Sənətçi ailəsi ilə birlikdə gələn ay Barselonaya istirahətə yollanacaq. Son vaxtlar bir-birinin ardınca yeni mahnılar təqdim edən Xatirə payızda gerçəkləşdirəcəyi layihələri üçün enerji toplamaq istəyir. Belə ki, müğənni oktyabrda yeni albomunu təqdim edəcək. Dekabrda isə sənətçinin solo konserti gözlənilir.

 

Sahilə Aslanova

 

Muz-Tv.az