Kristiano Ronaldo evlənir

Portuqaliyalı futbolçu Kristiano Ronaldo rusiyalı model İrina Şeyklə evlənmək qərarına gəlib. Sevgililər bu özəl günlərini idmançının doğma vətəni Portu-Santuda yayın sonlarına...

   Portuqaliyalı futbolçu Kristiano Ronaldo rusiyalı model İrina Şeyklə evlənmək qərarına gəlib. Sevgililər bu özəl günlərini idmançının doğma vətəni Portu-Santuda yayın sonlarına yaxın keçirməyi planlaşdırıblar. Mərasimin avqust ayında reallaşacağı ehtimal edilir.

   Hollivud ulduzu Cimmi Kimmel üç ildir birlikdə olduğu yazıçı Molli Makkartni ilə ailə həyatı qurub. Santa Barbarada reallaşan mərasimə Cennifer Eniston, Ellen DeCeneres, Mett Deymon, Ben Affelk və Cennifer Qarner kimi məşhurlar axın ediblər.

   Dünyaca məşhur televiziya aparıcısı Opra Uinfri aktrisa Lindsi Lohanın həyatından bəhs edən realiti şou təqdim etməyə hazırlaşır. Bir neçə bölümdən ibarət olacaq verilişdə ulduz narkotik asılılığı və bu zərərli vərdişdən qurtulma üsulları haqqında danışacaq. Maraqlısı odur ki, Opra bu ideyasını reallaşdırmaq üçün Lindsiyə 2 milyon dollar ödəyəcək.

   “Volverin” adlı filmlə yenidən tamaşaçı qarşısına çıxmağa hazırlaşan məşhur aktyor Hyu Cekman həyatı ilə bağlı maraqlı sirrini paylaşıb. Sən demə, avtraliyalı ulduz şöhrəti asanlıqla qazanmayıb. Anasının onu körpə yaşlarında atdığını deyən Cekman ağır uşaqlıq illəri yaşadığını bildirib. Atası Kris Cekmanın onu və 4 qardaşını təkbaşına böyütdüyünü söyləyən aktyor: “Məşhurlaşandan sonra anamla görüşdüm. O qədər də səmimi deyilik” – deyərək anasını bağışladığını qeyd edib.

 

Sahilə Aslanova

 

Muz-Tv.az