Muz TV-nin növbəti uğuru

“Qafqaz-Media” İctimai Birliyi hər il olduğu kimi bu il də öz ənənəsinə sadiq qalaraq 22 iyul Milli Mətbuat günü münasibəti ilə media nümayəndələrinə mükafatlandırma...

    “Qafqaz-Media” İctimai Birliyi hər il olduğu kimi bu il də öz ənənəsinə sadiq qalaraq 22 iyul Milli Mətbuat günü münasibəti ilə media nümayəndələrinə mükafatlandırma mərasimini keçirib. Yerli ticarət və əyləncə mərkəzlərindən birində reallaşan tədbirdə aparıcılar ilk olaraq sözü  Birliyin sədri Azadə Taleh Abbasqızına verib. O, da öz növbəsində mərasim iştirakçılarını 22 iyul - Milli Mətbuat Günü münasibətilə təbrik edib. Daha sonra  mükafata layiq görülmüş jurnalist və aparıcılara diplomla təqdim edilib.

    Azərbaycan milli mətbuatının yaranmasının 138-ci ildönümünə həsr olunmuş tədbirdə doğma kanalımız Muz TV də  mükafatsız qalmayıb. Belə ki,  “Akustik time” verilişinin aparıcısı Vəfa Osmanlı “Reytinqli jurnalist” nominasiyası ilə təltif olunub. “Cəsarətli qələm” mükafatına layiq görülən Muz TV-nin musiqi redaktoru Rauf Məmmədov elə öz təbrikini səhnədən musiqi ilə bildirib. Biz də “Muz Life” komandası olaraq kollektivimizi təbrik edib, uğurlarının davamlı olmasını arzu edirik.

 

Sərvər Mehdiyev

Ramal Güməmmədov

 

Muz-Tv.az