Azərbaycan Beynəlxalq Sənədli Filmlər Festivalında təmsil olunacaq

2013-cü il avqustun 20-dən 25-dək İtaliyanın Neapol şəhərində VI Beynəlxalq "Faito doc Festival" sənədli filmlər festivalı keçiriləcək. 

    2013-cü il avqustun 20-dən 25-dək İtaliyanın Neapol şəhərində VI Beynəlxalq "Faito doc Festival" sənədli filmlər festivalı keçiriləcək. Mədəniyyət və Turizm Nazirliyinin rəsmi saytının məlumatına görə, festivalda vətənimiz Rusiyada yaşayan həmvətənlimiz, rejissor və prodüser, bir sıra beynəlxalq kino müsabiqələrinin laureatı Rodion İsmayılovun "Köç" sənədli filmi ilə təmsil olunacaq. 30-dan çox ölkədən rejissorların iştirak edəcəyi festivalın əsas məqsədi müxtəlif köklərə malik xalqların kino mədəniyyətlərinin qiymətləndirilməsinə və qavranılmasına yardım göstərmək, eləcə də Asiya ölkələri arasında mədəni əməkdaşlığın möhkəmləndirilməsinə nail olmaqdan ibarətdir. İndiyədək bir neçə kino müsabiqəsində uğur qazanan "Köç" filmi Azərbaycan və onun qədim adət-ənənələrini özündə əks etdirir.

   Gənc müğənni İlhamə Qasımova 96 ölkə arasında keçirilən “The Global Sound” Beynəlxalq yarışmasında 5-ci yerə layiq görülüb. Ifaçı bu barədə sosial şəbəkədə şəxsi səhifəsində məlumat verib. Seçilən musiqi İlhamənin alman dilində oxuduğu “Bei mir bist du scheen” mahnısıdır. Qeyd edək ki, sözügedən yarışmada qaliblər internet istifadəçilərinin səsverməsi ilə müəyyənləşir.

   Müğənni Natavan Həbibinin yeni “Sus” mahnısı Rusiyanın “Moskva FM” radiosunun top 100 siyahısına daxil edilib. Sənətçinin ifa etdiyi bəstə bir çox məşhur mahnıların yer aldığı siyahıda 26-cı yerdədir. Qeyd edək ki, sıralamada Araş, Layma Vaykule, İraklı və digər ulduzların adları da var.

   Türkiyədən Moskvaya yola düşən müğənni Rəqsanənin bu dəfəki səfəri qısa sürəcək. Iyulun 25-də yenidən Türkiyəyə qayıdacaq sənətçi klip çəkilişləri ilə əlaqədar olaraq Bakı səfərini bu ay üçün təxirə salıb. Tanınmış rejissor Murat Küçüyün ekranlaşdıracağı video çarxda Rəqsanə müxətlif obrazlarda görünəcək. Moskvaya da saçlarını dəyişmək məqsədi və ailəsinə baş çəkmək üçün gedən sənətçi, qayıdarkən özünə lazım olacaq ləvazimatları da Türkiyəyə gətirəcək. Müğənni  qardaş ölkədə başladığı sənət karyerasının uğurla davam etməsi üçün hər bir detalla yaxından maraqlandığını bildirib. Onun Bakı səfəri isə avqusta nəzərdə tutulub. Sənətçi Ramazan ayında xeyriyyə tədbiri keçirməyə hazırlaşır.

 

Sahilə Aslanova

 

Muz-Tv.az