73 yaşlı dünya ulduzu ailə həyatı qurdu

“Maroon 5” qrupunun solisti Adam Livayn “Victoria`s secret”-in mələklərindən biri olan Behati Prinslou ilə nişanlanıb.  Qərb mətbuatının məlumatına görə, sevgililər artıq toy...

    “Maroon 5” qrupunun solisti Adam Livayn “Victoria`s secret”-in mələklərindən biri olan Behati Prinslou ilə nişanlanıb.  Qərb mətbuatının məlumatına görə, sevgililər artıq toy mərasiminə hazırlaşırlar. Xatırladaq ki, Behati və Livayn 2012-ci ildə tanış olublar. Müğənni müsahibələrində evliliyə ciddi yanaşdığını və həyatını kiminləsə bağlamağa tələsmədiyini söyləyib.

    Məşhur amerikalı müğənni Tina Törner sevgilisi və prodüseri Ervin Baxla ailə həyatı qurub. Nikah İsveçrədə reallaşıb. Toy mərasimində Tina məşhur brendlərdən birinin geyimlərində göz oxşayıb. Qonaqlar arasında Devid Boui, Eros Ramazotti, Şade, Opra Uinfri və başqaları olub. Xatırladaq ki, Tina Törnerin 73, gənc həyat yoldaşının isə 57 yaşı var. Aralarındakı böyük yaş fərqi isə cütlüyü heç narahat etmir.

   “Dila hanım” serialının ulduzu Haticə Şendil sevgilisi Burak Sağyaşarla restoranlardan birində şam yeməyi yeyərkən görülüb. Məkandan çıxarkən jurnalistlərlə söhbət edən cütlükdən Sağyaşar uzun müddətdir davame dən münasibətlərinin evliliklə sonlana biləcəyini bildirib. Yaraşıqlı aktyor: “Hələ dəqiq tarixi deyə bilmərik. Amma hər şey çox gözəl davam edir. Bu yaxınlarda evlənməyi də düşünürük” – deyib.

    Məşhur müğənni Devid Boui “Valentine’s Day” adlı mahnısına çəkdirdiyi yeni klipini təqdim edib. Trek ulduzun “The Next Day” adlı albomuna dəstək məqsədi ilə çıxarılıb. Video çarxda Boui yarıtikilmiş binada gitarada ifa edir. Müğənninin heyranları ekran işini çox bəyəndiklərini bildiriblər.

 

Sahilə Aslanova

 

Muz-Tv.az